Ինչո՞վ է ծխելը վտանգավոր 50-ն անց տղամարդկանց համար

Մինչեւ 50 տարեկան երկար ծխող տղամարդկանց շրջանում մեծ է աթերոսկլերոզով հիվանդանալու ռիսկը, այդ հիվանդության նշաններից մեկը վերջույթների մրսականությունն է, NEWS.ru-ին ասել է նյարդաբան, նյարդաբանության, նյարդավիրաբուժության եւ բժշկական գենետիկայի ամբիոնի դոցենտ Ռուստեմ Գայֆուտդինովը։

Նրա խոսքով՝ նստակյաց ապրելակերպի եւ թույլ ֆիզիկական վիճակի պատճառով ծխողները կարող են մկանների կրիտիկական իշեմիայի հետ կապված ծանր ցավ զգալ։

«Եթե հաշվի ենք առնում աթերոսկլերոզի համակարգային դրսեւորումները, ապա թույլ ֆիզիկական ակտիվությմաբ տղամարդիկ մկանների կրիտիկական իշեմիայի հետ կապված սուր ցավերի պատճառով ստիպված են լինում յուրաքանչյուր 50 մետրը մեկ կանգ առնել: Մարդու մոտ սրտի մկաններ արյան մատակարարման պակաս է առաջանում եւ կրծքահեղձուկ է առաջանում»,- պարզաբանել է Գայֆուտդինովը։

Բժիշկը նշել է, որ աթերոսկլերոզը կարող է ժառանգական նախատրամադրվածություն ունենալ, օրինակ՝ ընտանեկան հիպերխոլեստերինեմիայի պատճառով։

Գայֆուտդինովի խոսքով՝ հիվանդության մասին կարող են վկայել նաեւ հանկարծակի շարժումների ժամանակ առաջացող գլխապտույտը, աչքերի մթագնումը։

Հետևեք NEWS.am Medicine-ին Facebook-ում և Twitter-ում