Ուսումնասիրություն. Մարդու յուրաքանչյուր   քթանցք հոտը տարբեր կերպ է զգում

Ֆիլադելֆիայի Փենսիլվանիայի համալսարանի և Ֆինիքսի Բարրոու նյարդաբանական ինստիտուտի կողմից անցկացված հետազոտությունը ուսումնասիրել է մարդու հոտառության համակարգում հոտի մշակման հիմքում ընկած նյարդային գործընթացները և այն, թե ինչպես է ուղեղը մշակում տարբեր քթանցքերից հոտի մասին տեղեկությունները:

Current Biology ամսագրում հրապարակված նոր հոդվածում գիտնականների թիմը նկարագրում է այն բացահայտումը, որ յուրաքանչյուր քթանցք ունի իր յուրահատուկ հոտառությունը:

Հետազոտությանը մասնակցել է 10 սուբյեկտ, որոնք կրում էին ներգանգային խորության էլեկտրոդներ՝ հոտի նույնականացման համար, որտեղ հոտի գրգռիչները փոխանցվում էին ձախ, աջ կամ երկու քթանցք՝ օլֆակտոմետրիկ սարքի միջոցով, որը նախատեսված է համակարգչային հսկողության միջոցով հոտերը փոխանցելու համար:

Հոտի նույնականացումը կարելի է վերծանել գլխուղեղի  կեղևի տանձանման հատվածի տատանումներով, նեյրոնային ակտիվության միջոցով, որը գրանցվում է ներգանգային էլեկտրաէնցեֆալոգրամի վրա։

Նույն հոտով երկու քթանցքների խթանումը վերծանման ժամանակ առաջացրել է նմանատիպ, բայց տարբերվող  պատկերացումներ: Սա վկայում է այն մասին, որ թեև յուրաքանչյուր քթանցք կարող է նույնականացնել որոշակի հոտը որպես նույնը, սակայն կան նուրբ տարբերություններ նրանում, թե ինչպես են դրանք ընկալում այդ հոտը:

Հետևեք NEWS.am Medicine-ին Facebook-ում և Twitter-ում