Ուղեղի վրա ուլտրաձայնային ազդեցությունը կարող է թեթևացնել ցավը. Pain

Ցածր ինտենսիվության կենտրոնացված ուլտրաձայնը, որն ուղղված է ուղեղի այն հատվածին, որը կոչվում է ինսուլա, նվազեցնում է ցավի ընկալման ինտենսիվությունը: Այս եզրակացությանն են հանգել ԱՄՆ-ի Վիրջինիա Tech Carilion պետական ​​բժշկական դպրոցի կենսաբժշկական հետազոտությունների ինստիտուտի գիտնականները։ Հետազոտության արդյունքները հրապարակվել են Pain ամսագրում:

Հետազոտությանը մասնակցել է 23 առողջ մարդ։ Նրանց ձեռքերի հետևի մասում տաք առարկա են դրել՝ ցավ պատճառելու համար։ Փորձի ընթացքում նրանք իրենց գլխին կրում էին սարքեր, որոնք կենտրոնացված ուլտրաձայնային ալիքներ էին հաղորդում իրենց ուղեղի որոշակի հատված, որը կոչվում է ինսուլա: Այն համարվում է գիտակցության ձևավորման համար պատասխանատու հատվածը: Ինսուլան նաև դեր է խաղում հույզեր առաջացնելու գործում:

Մասնակիցները գնահատել են իրենց ցավի ընկալումը 0-ից 9 սանդղակով ամեն անգամ, երբ տաք առարկա է կիրառվել: Միևնույն ժամանակ, հետազոտողները հետևել են յուրաքանչյուր մասնակցի սրտի բաբախյունին և սրտի բաբախյունի փոփոխականությանը (սրտի զարկերի միջև եղած ժամանակի անկանոնությունը)՝ պարզելու, թե ինչպես է ուղեղի վրա ուղղված ուլտրաձայնն ազդում  ցավոտ գրգռիչին մարմնի արձագանքի վրա:

Միջին հաշվով, կամավորները հայտնել են ցավի ինտենսիվության երեք քառորդ կետով կրճատման մասին: Հետազոտողները նշել են, որ այս տարբերությունը կարող է փոքր թվալ, բայց այն նշանակալի է այն մարդկանց համար, ովքեր տարբեր պատճառներով քրոնիկական ցավ են զգում և կառավարում են այն առանց դեղատոմսի դեղերի:

Հետազոտությունը նաև ցույց է տվել, որ ուլտրաձայնի օգտագործումը հարթեցնում է ֆիզիոլոգիական արձագանքը սթրեսի պատճառով, որն առաջանում է ցավից: Սարքերը կրելիս մասնակիցների սրտի բաբախյունը և սրտի զարկերի փոփոխականությունն ավելի քիչ կտրուկությամբ են աճել:

Հետևեք NEWS.am Medicine-ին Facebook-ում և Twitter-ում