Երկարատև COVID-19 ունեցող մարդիկ կարող են սպորտող իրենց առողջությունը բարելավելու համար, ինչը դեռ չի առաջարկվել Առողջապահության համաշխարհային կազմակերպության կողմից (ԱՀԿ), ասվում է նոր ուսումնասիրության մեջ, որը հրապարակվել է JAMA Network Open ամսագրում:
Նոր բացահայտումները ցույց են տալիս, որ երկարաժամկետ COVID-ով հիվանդները մարզվելուց հետո իրենց զգում են նույնքան լավ, որքան առողջ մարդիկ, «նույնիսկ եթե նրանք սկզբում ավելի շատ ախտանիշներ ունենային», նշում են գիտնականները:
Վաղ դիտարկումները ցույց էին տվել, որ երկարատև COVID-ի ընթացքում մարզվելը կարող է վնասակար լինել, նշել են հետազոտողները:
Երկարատև COVID-ով հիվանդ մարդիկ հաճախ ունենում են այնպիսի ախտանիշներ, ինչպիսիք են ծայրահեղ հոգնածությունը, շնչահեղձությունը, արագ սրտի բաբախյունը և մկանների թուլությունը, որոնք վատթարանում են վարժությունների արդյունքում:
Պարզելու համար, թե արդյոք մարզվելն օգնում է, թե վնասում, հետազոտողները հավաքագրել են երկարատև COVID-19 հիվանդ 31 մարդու և համեմատել նրանց 31 առողջ մարդկանց հետ:
Բոլոր մասնակիցները կատարեցին երեք տարբեր մարզումներ՝ բաղկացած բարձր ինտենսիվության ինտերվալային մարզումներից և չափավոր ինտենսիվության աերոբիկ վարժություններից՝ և՛ ստացիոնար հեծանիվով, և՛ ուժային մարզումներից:
Հետազոտողների խոսքով՝ պարապմունքներն անցկացվել են պատահական կարգով՝ մի քանի շաբաթվա տարբերությամբ։
Բոլոր մասնակիցները մի շարք բժշկական հետազոտություններ են անցել մարզումից առաջ, անմիջապես հետո և երկու օր հետո՝ գնահատելու ախտանիշները և ընդհանուր առողջությունը:
Արդյունքները ցույց են տվել, որ երկարաժամկետ COVID-ով հիվանդների 62%-ը նույնպես տառապել է միոպաթիայով՝ մկանային հյուսվածքի փոփոխություն, որը հանգեցնում է մկանային թուլության։
«Այս տոկոսը չափազանց բարձր է, որպեսզի բացատրվի միայն ակտիվության անկմամբ: Ուստի մենք ներկայումս վերլուծում ենք բիոպսիաները՝ պարզելու, թե արդյոք կարող ենք բացատրել մկանային այս փոփոխությունների պատճառը»,- նշել են գիտնականները։
Ընդհանուր առմամբ, այնուամենայնիվ, արդյունքները ցույց են տալիս, որ երկարատև COVID-19 ունեցող մարդիկ կարող են օգուտ քաղել մարզվելուց:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր