Գինու բաղադրության մեջ պարունակվող հակաօքսիդիչները չեն նպաստում առողջությանը․ El Español

11 սեպտեմբերի, 2025 13:41

Փոքր չափաբաժիններով գինու օգտագործումը դրական ազդեցություն չի ունենում առողջության վրա՝ չնայած խմիչքի մեջ հակաօքսիդանտների պարունակությանը։ Այս մասին El Español պարբերականին տված հարցազրույցում պատմել է իսպանացի սրտաբան Մագդալենա Պերելյոն։

Մասնագետի խոսքով՝ սրտի համար մեկ բաժակ գինու օգտակարության մասին կարծիքը գիտական տվյալներով չի հաստատվում։ Բժիշկը նշել է, որ ցանկացած ալկոհոլ բացասական ազդեցություն է ունենում սրտանոթային համակարգի վրա. այն մեծացնում է առիթմիայի, սրտային անբավարարության ռիսկը և առաջացնում սրտի խոռոչների ախտաբանական լայնացում։ Բժիշկը նշել է, որ գինու վնասը համեմատելի է ծայրահեղ մշակված սննդամթերքների, ավելացված շաքարի և տրանս ճարպերի ազդեցության հետ։

Փորձագետը հավելել է, որ որոշ մարդիկ արդարացնում են ալկոհոլի օգտագործումը՝ դրանում հակաօքսիդանտների պարունակությամբ։

Հակաօքսիդանտները նյութեր են, որոնք պաշտպանում են բջիջները օքսիդատիվ սթրեսի հետևանքով առաջացած վնասներից։ Դրանք իսկապես պարունակվում են խաղողի մեջ, որից գինի են արտադրում, սակայն էթանոլը դրանով ավելի շատ վնաս է պատճառում սրտին, քան օգուտ։

Պերելյոն ընդգծել է, որ հակաօքսիդանտներ կարելի է ստանալ միջերկրածովյան դիետայի ավելի օգտակար բաղադրիչներից՝ բանջարեղենից, մրգերից, ընկույզից, լոբազգիներից և ձիթապտղի յուղից։ Բժշկի խոսքով՝ այդպիսի սննդակարգը մոտ 30%-ով նվազեցնում է սրտի կաթվածի և ինսուլտի ռիսկը և ապահովում է սրտանոթային համակարգի աջակցությունն առանց ալկոհոլի։

Հետևեք NEWS.am Medicine-ին Facebook-ում և Twitter-ում

Print | In English | На русском

Related News

Գիտնականները նշել են այն դիետան, որն ամենից շատն է նվազեցնում լյարդի ճարպը և նախադիաբետի վտանգը Այսպես, կետոգենիկ խմբի մասնակիցների մոտ լյարդի ճարպի պարունակությունը միջինում նվազել է 67%-ով, մինչդեռ մյուս երկու խմբերում՝ մոտ 45%-ով
Եվրոպացի սննդաբանը խորհուրդ է տվել օրական մի քանի անգամ ամբողջահատիկ հաց ուտել Հացը պարզապես ածխաջրերի աղբյուր չէ, ինչպես շաքարը։ Այն պարունակում է ցինկ, սելեն, մագնեզիում, B խմբի վիտամիններ, բուսական սպիտակուց և զգալի քանակությամբ սննդային մանրաթելեր
Թութը կարող է փոխել աղիքային միկրոբիոտայի կազմը. Biomolecules Գրախոսության համաձայն, թթենու տերևներից և պտուղներից պատրաստված պատրաստուկները կարող են փոխել աղիքային միկրոբիոտայի կազմը և ակտիվությունը...
Քացախաթթվով ամենօրյա ըմպելիքը կարող է մեղմել փորկապությունը․ Scientific Reports Մասնակիցներն ամեն օր գրանցել են աղիների գործելու հաճախականությունն ու կղանքի մյուս հատկանիշները․․․
Սուրճի օգտագործումը կարող է կապված լինել կրծքագեղձի քաղցկեղի բուժման ավելի լավ արդյունքների հետ Սուրճը պարունակում է ավելի քան 1000 կենսաբանորեն ակտիվ միացություն, այդ թվում՝ կոֆեին և քլորոգենաթթուներ․․․