Միջերկրածովյան դիետան նվազեցնում է լնդերի բորբոքման ռիսկը․ JPeriodontology

16 սեպտեմբերի, 2025 15:09

Լոնդոնի Թագավորական քոլեջի գիտնականները պարզել են, որ միջերկրածովյան սննդակարգի սկզբունքներին հետևելը օգնում է նվազեցնել լնդերի բորբոքման ռիսկը։ Աշխատանքի արդյունքները հրապարակվել են Journal of Periodontology (J Periodontology) ամսագրում։

Հետազոտությանը մասնակցել է 200 մարդ։ Ատամնաբույժները գնահատել են հետազոտվողների բերանի խոռոչի վիճակը, նրանցից վերցրել արյան նմուշներ և հավաքել սննդի մասին տվյալներ՝ հարցաթերթիկների միջոցով։ Վերլուծությունը ցույց է տվել. նրանց մոտ, ովքեր պարբերաբար բանջարեղեն, մրգեր, հատիկաընդեղեն և ձիթապտղի ձեթ էին ուտում, պարոդոնտիտն ավելի հազվադեպ էր զարգանում և նկատվում էին բորբոքային մարկերների՝ ինտերլեյկին-6-ի և C-ռեակտիվ սպիտակուցի ավելի ցածր մակարդակներ։ Իսկ կարմիր միս նախընտրող մարդկանց մոտ լնդերի հիվանդությունները ավելի հաճախ էին հանդիպում և ավելի ծանր էին ընթանում։

Գիտնականները նշել են, որ պարոդոնտիտի դեպքում տեղի է ունենում մերձատամնային հյուսվածքների, այդ թվում՝ ոսկրային հյուսվածքի ատրոֆիա։ Առանց բուժման հիվանդությունը կարող է հանգեցնել ատամների թուլացման և դրանց կորստի։

Հեղինակները շեշտում են, որ սննդակարգում բուսական մթերքների և օգտակար ճարպերի ներառումը ոչ միայն ամրացնում է լնդերի առողջությունը, այլև նվազեցնում է օրգանիզմում ընդհանուր բորբոքումը։ Այդ պատճառով միջերկրածովյան սննդակարգը հայտնի է նաև որպես սրտանոթային և նյարդադեգեներատիվ հիվանդությունների կանխարգելման գործոն։

Գիտնականները նշում են, որ ստացված արդյունքները նոր հեռանկարներ են բացում պարոդոնտիտի կանխարգելման և բուժման գործում, սակայն հստակեցում են պահանջում ավելի լայնածավալ ուսումնասիրություններում։

Հետևեք NEWS.am Medicine-ին Facebook-ում և Twitter-ում

Print | In English | На русском

Related News

Գիտնականները լոլիկի մեջ լյարդը ճարպային հիվանդությունից պաշտպանող նյութ են հայտնաբերել Դա կարող է օգնել օրգանիզմին ավելորդ ճարպն օգտագործել էներգիա ստանալու համար, այլ ոչ թե կուտակել այն լյարդի բջիջներում
Գիտնականները նշել են այն դիետան, որն ամենից շատն է նվազեցնում լյարդի ճարպը և նախադիաբետի վտանգը Այսպես, կետոգենիկ խմբի մասնակիցների մոտ լյարդի ճարպի պարունակությունը միջինում նվազել է 67%-ով, մինչդեռ մյուս երկու խմբերում՝ մոտ 45%-ով
Եվրոպացի սննդաբանը խորհուրդ է տվել օրական մի քանի անգամ ամբողջահատիկ հաց ուտել Հացը պարզապես ածխաջրերի աղբյուր չէ, ինչպես շաքարը։ Այն պարունակում է ցինկ, սելեն, մագնեզիում, B խմբի վիտամիններ, բուսական սպիտակուց և զգալի քանակությամբ սննդային մանրաթելեր
Թութը կարող է փոխել աղիքային միկրոբիոտայի կազմը. Biomolecules Գրախոսության համաձայն, թթենու տերևներից և պտուղներից պատրաստված պատրաստուկները կարող են փոխել աղիքային միկրոբիոտայի կազմը և ակտիվությունը...
Քացախաթթվով ամենօրյա ըմպելիքը կարող է մեղմել փորկապությունը․ Scientific Reports Մասնակիցներն ամեն օր գրանցել են աղիների գործելու հաճախականությունն ու կղանքի մյուս հատկանիշները․․․