Որ բանջարեղենն է նվազեցնում օրգանիզմի նկատմամբ շաքարի ազդեցությունը

Իրվինում Կալիֆոռնիայի համալսարանի գիտնականները պարզել են, թե որ բանջարեղենը կարող է նվազեցնել շաքարի վնասակար ազդեցությունը օրգանիզմի նկատմամբ ՝ շնորհիվ բնական մանրաթելի՝ ինուլինի, գրում է New York Post-ը։

Գիտնականները պարզել են, որ սոխը, սխտորը և արտիճուկը կարող են փոխել աղիքներում ապրող մանրէները՝ կանխելով ֆրուկտոզայի ներթափանցումը լյարդ։

«Մենք պարզեցինք, որ ինուլին կոչվող սննդային մանրաթելի տեսակը սպառելը փոխում է աղիքային մանրէները՝ կանխելով վնասակար ֆրուկտոզայի կլանումը»,- հայտարարել է առաջատար հետազոտող Չոլսուն Ջանգը։

Ջանգը և նրա թիմը պարզեցին, որ բարակ աղիքի մանրէները կարող են նյութափոխանակել ֆրուկտոզան, նախքան այն հասնի լյարդ։ Սակայն բավարար մանրաթելի  բացակայության դեպքում ֆրուկտոզան ծանրաբեռնում է լյարդը և առաջացնում ճարպի կուտակում։ Ինուլինի օգնությամբ մանրէները սկսում են այրել շաքարը վաղ փուլում։

«Հատուկ աղիքային մանրէներն ու նյութափոխանակության ուղիները բացահայտելով՝ մեր արդյունքները կարող են օգնել անհատականացված սննդային ռազմավարությունների մշակմանը», - ընդգծել է Ջանգը։

Հետևեք NEWS.am Medicine-ին Facebook-ում և Twitter-ում