• Latest news

5 հիվանդություն, որոնք կանանց մոտ ավելի հաճախ են հանդիպում

8 մարտի, 2015  19:46

Կան մի շարք հիվանդություններ, որոնցով կանայք ավելի հաճախ են տառապում, քան տղամարդիկ: NEWS.am Medicine-ի խմբագրությունը Ձեր ուշադրությանն է ներկայացնում այս հիվանդություններից մի քանիսը.

1. Գայլախտ

Սիստեմային կարմիր գայլախտը հակաիմունային հիվանդություն է, որի դեպքում իմունային բջիջները սկսում են ոչնչացնել առողջ բջիջներն օրգանիզմում: Ինչն է գայլախտի պատճառը, մինչ օրս հայտնի չէ, հայտնի չէ նաեւ, ինչու են դրանով ավելի հաճախ տառապում վերարտադրողական տարիքի կանայք: Պարզ է մեկ բան. գայլախտը շատ վտանգավոր եւ ծանր հիվանդություն է եւ պատշաճ բուժման բացակայության դեպքում կարող է հանգեցնել մահվան :

2. Ցրված սկլերոզ

Ցրված սկլերոզը կենտրոնական նյարդային համակարգի հիվանդություն է, որով կանայք տառապում են տղամարդկանցից 2-3 անգամ ավելի հաճախ: Այս հիվանդությունը հիմնականում ախտորոշվում է 20-40 տարեկանն ընկած ժամանակահատվածում: Հիվանդությունը շատ վտանգավոր է, քանի որ պարալիզացման կարող է հանգեցնել՝ պատճառ դառնալով նաեւ կուրության եւ, վաղ թե ուշ, նաեւ մահվան: Արդյունավետ բուժում այժմ գոյություն չունի:

3. Քրոնիկ հոգնածության սինդրոմ

Անհայտ պատճառներով կանայք տղամարդկանցից 4 անգամ ավելի են հակված այս սինդրոմով տառապելուն: Վերջինիս ախտանիշը ոչ միայն մշտական հոգնածությունն է, այլ նաեւ մկանային ցավը, անքնությունը, հիշողության կորուստը: 

4. Դեպրեսիա

Փորձագետներից շատերը պնդում են, որ դեպրեսիան կանանց շրջանում երկու անգամ ավելի հաճախ է հանդիպում: Հավանաբար, դա կապված է կնոջ հորմոնալ յուրահատկությունների հետ: Հորմոնալ ֆոնի մշտական տատանումները դաշտանային ցիկլի ընթացքում ազդում են գեղեցիկ սեռի ներկայացուցիչների տրամադրության եւ առողջության վրա:

5. Հաստ աղիքի բորբոքման սինդրոմ

Հաստ աղիքի բորբոքման սինդրոմը, որի դեպքում կծկումներ, ցավեր, գազեր, փորլուծություն եւ փորկապություն են ի հայտ գալիս, նույնպես ավելի հաճախ հանդիպում է կանանց մոտ: Հավանաբար, սա նույնպես կապված է կնոջ փոփոխական հորմոնալ ֆոնի հետ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է