Ի ծնե դալտոնիզմով տառապող տղամարդը պնդում է, որ գլխի վնասվածքից հետո սկսել է ավելի շատ գույներ տարբերել:
«Որպես 70-ամյա տղամարդ, ես հաճախ եմ ընկնում, քանի որ ոտքերս թույլ են,- ասել է ջութակահար եւ երաժշտության ուսուցիչ Ռիչարդ Ռիգսը CBS-ին.- Ես ի ծնե դալտոնիկ եմ, բայց ահա 70 տարեկանում ես սկսել եմ տարբերել ծիածանի գույները»:
Դալտոնիզմի դեպքերի մեծամասնությունը պայմանավորված են գենետիկ մուտացիաներով եւ լինում են բնածին, իսկ հիվանդության ժառանգական տարբերակները անբուժելի եւ անդառնալի են:
Իր վերջին բացահայտումից հետո Ռիգսը պնդում է, որ նա կարող է տարբերակել վարդագույնի երանգները, եւ անհամբեր սպասում է, թե երբ է օգտագործելու իր նոր կարողությունները Հավայան կղզիներ ճանապարհորդության ժամանակ, որպեսզի նայի ծաղիկներին եւ բիկինիներին:
Բայց կարող է արդյոք գլխին հասցված հարվածը հետ զարգացնել անբուժելի ժառանգական հիվանդությունը:
« Դա այդքան էլ հավատալի չէ»,- CBS News-ին ասել էՆյու Յորքի Մաունտ Սինայ ակնաբուժական հիվանդանոցի պրոֆեսոր, բժիշկ Սքոթ Բրոդին:
Ավելի տարածված է հակառակ երեւույթը, երբ նորմալ տեսողությամբ մարդը կորցնում է որոշ գույները տարբերակելու ունակությունը՝ գանգուղեղային վնասվածքից հետո:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր