• Latest news

Հայաստանում ՄԻԱՎ-վարակակիրների միայն 1/3-ը գիտի իր կարգավիճակի մասին

22 մայիսի, 2015  18:25

Հայաստանում հայտնաբերված է ՄԻԱՎ-վարակակիրների միայն մոտ 1/3-ը. ՄԻԱՎ-ով վարակված մարդկանց հաշվարկային թիվը 4000 է, բայց դիսպանսեր հսկողության տակ մոտ 1500 հոգի է գտնվում: Այս մասին NEWS.am Medicine-ի թղթակցին պատմեց «Իրական աշխարհ, իրական մարդիկ» հասարակական կազմակերպության ջատագովության պատասխանատու Հովհաննես Մադոյանը:

Այսօր, մայիսի 22-ին, Երեւանում ավարտվեց ՄԻԱՎ-ի հետազոտության հասանելիության բարձրացմանն ուղղված Արեւելյան Եվրոպայի եւ Կենտրոնական Ասիայի տարածաշրջանային եռօրյա աշխատանքային խորհդակցությունը, որի ընթացքում տարածաշրջանի երկրների ներկայացուցիչները կիսվում էին ՄԻԱՎ-ի հայտնաբերման եւ վարման իրենց փորձով եւ քննարկում էին վարակը ավելի արդյունավետորեն հայտնաբերելու ճանապարհները: Ինչպես պարզաբանեց Հովհաննես Մադոյանը, եթե վարակը վաղ հայտնաբերվի եւ մարդը արդյունավետ բուժում ստանա, նա կկարողանա լիարժեք կյանքով ապրել, իսկ նրա՝ այլ մարդկանց վարակելու հավանականությունը նկատելիորեն կնվազի:

Հովհաննես Մադոյանի խոսքով՝ նախորդ տարի UNAIDS-ը հռչակել էր նոր նպատակներ. մինչեւ 2020 թվականը մարդկությունը պետք է հասնի երեք 90-նների, այսինքն, ՄԻԱՎ-վարակակիրների 90 տոկոսը պետք է հետազոտված եւ տեղյակ լինի իր կարգավիճակի մասին, հետազոտվածների 90 տոկոսը պետք է բուժում ստանա եւ նրանց 90 տոկոսի բուժումը պետք է լինի արդյունավետ, այսինքն, վիրուսային ծանրաբեռնվածությունը պետք է լինի անհայտնաբերելի մակարդակի:

Ֆորումի ընթացքում տարբեր երկրների ներկայացուցիչները ներկայացրեցին իրենց փորձը եւ նվաճումները: Պարզվում է՝ դրությունը բոլոր երկրներում տարբեր է. օրինակ, Էստոնիան առաջին 90-ին հասել է՝ վարակակիրների 89 տոկոսն այնտեղ հայտնաբերված է: Սակայն նրանց միայն 1/3-ն է բուժում ստանում, եւ միայն մոտ 20 տոկոսի մոտ է բուժումը արդյունավետ եւ վիրուսային ծանրաբեռնվածությունը՝ անհայտնաբերելի:

Հայաստանում դրությունն այլ է. Հայտնաբերված է վարակակիրների միայն մոտ 1/3-ը, սակայն բուժման արդյությավետության ցուցանիշներն ավելի լավն են, քան շատ այլ երկրներում. Հովհաննես Մադոյանի խոսքով՝ մեկ տարվա կտրվածքով մարդկանց 97 տոկոսը բուժում է ստանում՝ առանց այն ընդհատելու, եւ 90-ից ավելի տոկոսի մոտ բուժումը արդյունավետ է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է