Պասիվ ծխելը 30 տոկոսով ավելի հավական է դարձնում ինսուլտը, հայտնում են Medical University of South Carolina-ի գիտնականները:
Մասնագետների խոսքով՝ ԱՄՆ-ում տեղի ունեցած ավելի քան 800 000 ինսուլտի պատճառը հենց պասիվ ծխելն է: Իսկ ինսուլտն էլ մահացության ու հաշմանդամության ամենատարածված պատճառներից է:
Հետազոտության ընթացքում գիտնականները վերլուծել են Reasons for Geographic and Racial Differences in Stroke (REGARDS) հետազոտությանը մասնակցած 22 հազար պացիենտների տվյալները: Պարզվեց, որ պասիվ ծխելը իսկապես կարող է ինսուլտը երեսուն տոկոսով ավելի հավանական դարձնել, եթե նույնիսկ հաշվի առնենք մնացած բոլոր ռիսկերը՝ բարձր զարկերակային ճնշումը, դիաբետը, սրտի հիվանդությունները եւ այլն:
Բժիշկ Անգելա Մալեկը վերոնշյալ համալսարանից նշեց, որ այս բացահայտումը խոսում է ծխելը սահմանափակող օրենքները խստացնելու անհրաժեշտության մասին, ինչը կարող է զերծ պահել չծխող մարդկանց պասիվ ծխող դառնալուց:
Համապատասխան հոդվածը լույս է տեսել American Journal of Preventive Medicine ամսագրում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր