Հոկտեմբերի 26-ին Երեւանում միջազգային խոշոր գիտաժողով տեղի կունենա «4th Leadership Roundtable on Osteoporosis» վերնագրով, որին կմասնակցեն ամբողջ աշխարհից օստեոպորոզի բազմաթիվ մասնագետներ եւ շատ հարգելի հյուրեր: Այդ մասին NEWS.am Medicine-ի թղթակցին պատմել է ԱՄՆ-ի Կոլումբիայի համալսարանի Բժշկական քոլեջի էնդոկրինոլոգիայի բաժանմունքի պետ պրոֆեսոր Ջոն Բիլեզիկյանը (John P. Bilezikian):
Մասնագետները կքննարկեն օստեոպորոզի, ճիշտ սնվելու խնդիրներ, ինչպես նաեւ դիաբետի, ճարպակալման ազդեցությունը օստեոպորոզի զարգացման ռիսկի վրա: Մեծ ուշադրություն կդարձնեն նաեւ վահանաձեւ գեղձի խնդիրներին:
Ինչպես նշել է պրոֆեսոր Բիլեզիկյանը, հրավիրված հյուրերի թվում է նաեւ Հայաստանի առաջին տիկին Ռիտա Սարգսյանը: Ակնկալվում է նաեւ առողջապահության, սփյուռքի եւ կրթության նախարարների, քաղաքապետարանի եւ Հայաստանի Ամերիկյան համալսարանի ներկայացուցիչների ներկայությունը: Համաժողովին կմասնակցի նաեւ Օստեոպորոզի Ռուսական ընկերակցության նախագահ Օլգա Լեսնյակը: Գիտաժողովը կազմակերպել է Օստեոպորոզի հայկական ընկերակցությունը եւ նրա ղեկավար Վարդա Բաբայանը:
Գիտաժողովի մեկնարկը կտրվի երեւանյան Մարիոթ հյուրանոցում, ժամը 14:00-ին:
Նախատեսված է ամբողջ աշխարհում իրադարձության վերաբերյալ մամուլի հաղորդագրություն տարածել երեք լեզվով:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր