Դեռեւս բավականին դրդապատճառներ չունե՞ք ծխելը թողնելու համար: Ահա ծխելը հենց հիմա թողնելու 10 պաճառ՝
- Ծխելը բացասաբար է ազդում տղամարդու սեռական առողջության վրա: Նիկոտինը նեղացնում եւ վատացնում է վերջույթների արյունամատակարարումը, ինչն ավելի մեծ հավանականությամբ կարող է հանգեցնել էռեկցիայի հետ խնդիրների եւ շագանակագեղձի բորբոքման: Համաձայնեք, քիչ տղամարդ կցանկանա առնչվել այսպիսի խդիրների հետ մինչեւ 40 տարեկանը: Նիկոտինը բացասաբար է ազդում նաեւ սերմի որակի եւ սպերմատոզոիդների շարժունակության վրա՝ դրանով իսկ նվազեցնելով երեխա ունենալու հավանականությունը:
- Կնոջ վերարտադրողական համակարգը նւյնպես տուժում է: Ծխող կնոջն ավելի դժվար է հղիանալ եւ առանց բարդությունների անցկացնել հղիությունը։ Համաձայն արեւմտյան բժիշկների վիճակագրության, ծխող կնոջից ծնված երեխան, ծնվում է անհաս եւ/կամ մահանում է կյանքի առաջին ամիսներին: Բացի դրանից, բժիշկների կարծիքով, ծխող չբեր կանանց թիվն երկու անգամ ավելի շատ է:
- Օրվա ընթացքում քանի՞ գլանակ եք դուք ծխում: Հայաստանում մեկ տուփ ծխախոտն արժե 350-ից 1000 դրամ: Եթե դուք օրական մեկ տուփ եք ծխում, ապա մեկ ամսվա ընթացքում ծխախոտի վրա դուք ծախսում եք մոտ 10500-30000 դրամ: Դա տարեկան կազմում է 126000-360000 դրամ: Եթե դուք օրական երկու տուփ եք ծխում, ապա այս թիվը բազմապատկեք երկուսով: Այդ գումարով կարելի է ինչ-որ լավ տեխնիկա կամ շատ նոր հագուստներ գնել կամ գնալ ինչ-որ տեղ հագստանալու:
- Նկատե՞լ եք, որ չծխող մարդիկ սովորաբար ավելի լավ տեսք ունեն: Ծխոզղների մեծամասնությունն անառողջ, դեղնավուն մաշկի գույն ունի, փշրվող ատամներ, անկենդան մազեր: Ընդ որում ծխողների մաշկն ավելի շուտ է կնճռոտվում եւ ծերանում: Այս ամենը տեղի է ունենում նիկոտինի ազդեցությամբ պայմանավորված արյան շրջանառության խանգարումների պատճառով: Մինչդեռ այս բոլոր գործընթացները կարելի է դադարեցնել՝ հենց հիմա թողնելով ծխելը:
- Դուք սիրո՞ւմ եք ձեր երեխաներին: Այդ դեպքում չէր խանգարի նաեւ մտածել նրանց առողջության մասին: Երեխայի օրգանիզմն ավելի թույլ է, քան հասուն մարդունը, եւ պասիվ ծխելը դժվար թե նրանց ավելի առողջ դարձնի: Չէ որ ծխողների երեխաներն ավելի շատ են հակված մրսածությունների եւ վարակային հիվանդությունների զարգացմանը:
- Կենդանիները նույնիսկ ավելի շատ են տառապում ծխից, քան մարդիկ: Եթե դուք տանը կատու կամ շնիկ ունեք, տուփից ծխախոտ հանելիս, հիշեք, որ նիկոտինը տնային կենդանիների մոտ առաջացնում է քաղցկեղային հիվանդություններ, ընդ որում ավելի հաճախ եւ ավելի շուտ քան մարդկանց մոտ:
- Ծխելը բոլորովին էլ մոդայիկ չէ, իսկ մատների արանքի ծխախոտն էլ մարդուն ավելի գեղեցիկ կամ սեքսուալ չի դարձնում: Դեռ Չեխով է ժամանակին ասել, որ «ծխոխ կնոջը համբուրելը նույնն է, ինչ համբուրել մոխրամանը»: Այսօր նույնիսկ ծխող տղամարդիկ ճիշտ նույն կերպ են մտածում՝ ծխախոտը կնոջն ավելի գրավիչ եւ սեքսուալ չի դարձնում:
- Ծխող մարդկանց ընկալիչներն ավելի քիչ զգայուն են, քան չծխողներինը, քանի որ նրանց ավելի դժվար է զգալ ծաղիկների կամ օծանելիքի բույրը, կամ վայելել լավ ուտելիքի համը: Վատանում է նաեւ ծխողների տեսողությունը: Հենց որ դուք թողնեք ծխելը, սնունդն ավելի համեղ կդառնա, բույրն ավելի սուր, իսկ պատկերներն ավելի հստակ:
- Բոլորն արդեն վաղուց գիտեն, որ նիկոտինը թույն է, եւ որ նրա մի քանի կաթիլը կարող է ձի սպանել: Ամենայն հավանականությամբ, այս մասին արդեն բազմիցս լսել եք: Բայց հենց հիմա պատկերացրեք ուժեղ, ամուր ձի եւ հիշեք, թե ինչ կարող է նրա հետ անել նիկոտինը, որը դուք կանոնավոր կլանում եք:
- Թողնելով ծխելը, դուք ազատ մարդ կդառնաք, ով ստիպված չի լինի անընդհատ մտածել, թե ինչպես մի հատ ծխախոտ կպցնել, եւ ում ավելի հեշտ կլինի կենտրոնանալ աշխատանքի վրա:
Հետևեք NEWS.am Medicine-ին Facebook-ում և Twitter-ում