Յուրաքանչյուր փռշտոցի, քթահոսության, յուրաքանչյուր հազի ու սպազմի համար բացատրություն կա: Իմացեք, թե ինչու՞ է ձեր մարմինն իրեն այդպես պահում, ինչպես նաեւ առողջացման արագ մեթոդները:

Ախտանիշ.Փռշտոց

Ինչ է այն նշանակում.ձեր մարմինը հեռացնում է բակտերիաները եւ այլ մասնիկներ հանկարծակի եւ չղեկավարվող օդի արագ հոսքով: Մի՛ զսպեք փռշտոցը, քանի որ ձեր մարմինն ուզում է հեռացնել գրգռիչին:

Երբ պետք է անհանգստանալ.Գրեթե երբեք, բայց եթե ձեր փռշտոցը խանգարում է ապրել եւ պահպանվում է մնացած բոլոր ախտանիշների վերացումից հետո, խոսեք ձեր բժշկի հետ, քանի որ հնարավոր է դա ալերգիայի դրսեւորում լինի:

Ավանդական միջոցներ.հակավիրուսային անձեռոցիկների օգտագործումը օգնում է վիրուսի տարածման կանխարգելմանը: Չունե՞ք անձեռոցիկ, ապա փռշտացեք ձեռքի վերին հատվածի վրա , այլ ոչ՝ ձեռքերի մեջ:

Առանց դեղատոմսի միջոցներ՝  հակահիստամինային միջոցները (հանգստացնող տարբերակները) կկարողանան օգնել նվազեցնել փռշտալու ռեֆլեքսը: Միչդեռ մասնագետների մեծամասնությունը ձեզ խորհուրդ կտան չբուժել այդ բավականին անվնաս ախտանիշը:

Ախտանիշներ՝ բարձր ջերմություն եւ դողերոցք

Ի՞նչ է դա նշանակում՝ դողերոցքը մարմնի ունակությունն է ջերմություն արտադրել, մրսելու ժամանակ: Դողերոցքը սովորաբար նախորդում է տենդին, ինչի միջոցով  մարմինը պաշտպանում է իրեն՝ բարձրացնելով ջերմությունը՝ վիրուսին սպանելու համար:

Երբ պետք է անհագնստանալ՝ բժիշկ կանչեք, եթե ջերմությունը բարձրացել է 102 0  ըստ Ֆարենհեյթի (38,9 0  ըստ Ցելսիուսի), եթե տենդը չի իջնում 72 ժամ, եթե առկա է դժվարաշնչություն եւ գլխապտույտ: 

Ավանդական միջոցներ՝ Որպեսզի օրգանիզմը չջրազրկվի, խմեք ձեր սիրելի ըմպելիքները: Տրորեք մարմինը գոլ ջրով եւ սպունգով:

Առաց դեղատոմսի միջոցներ՝ Պարացետամոլը (Թայլենոլ), Իբուպրոֆենը (Ադվիլ), Մոտրինը, կամ Նապրոկսենը (Aleve) կարող են իջեցնել ջերմությունը եւ ձեր ինքնազգացողությունը կլավանա:

Ախտանիշ՝ ցավում է կոկորդը

Ի՞նչ է դա նշանակում՝ Լորձը հոսում է կոկորդի հետին հատվածով՝ առաջացնելով գրգռում ու այրոց:

Երբ պետք է անհանգստանալ՝ եթե ձեզ դժվար է շնչել եւ կուլ տալ, զանգեք բժշկին՝ հնարավոր է ձեր մոտ առկա է բակտերիալ վարակ:

Ավանդական միջոցներ՝ Ողողե՛ք կոկորդը աղի գոլ ջրով: Հանգստացրեք կոկորդի քերոցի զգացումը հեղուկների միջոցով, օրինակ՝ առանց կոֆեինի թեյ կամ արգանակ, իսկ ուժեղ արտահայտված այրոցի դեպքում՝ սառեցրեք փոքրիկ սառույցի կտորի միջոցով:

Առանց դեղատոմսի միջոցներ՝ Պարացետամոլը կամ Իբուպրոֆենը կարող են նվազեցնել այրոցը:

Ախտանիշ՝ հարբուխ

Ի՞նչ է դա նշանակում՝ ձեր օրգանիզմը մեծ քանակությամբ լորձ է արտադրում՝ վիրուսներին եւ մրսածությունը դուրս բերելու համար:

Երբ պետք  է անհանգստանալ՝ եթե ձեր վիճակը չի լավանում մեկ շաբաթից, ապա հնարավոր է ձեր մոտ բակտերիալ սինուսիտ է, որը բուժվում է հակաբիոտիկներով:

Ժողովրդական միջոցներ՝  շատ հեղուկ խմեք, որպեսի լորձը ավելի նոսր դառնա: Հավով ապուրը կարող է նվազեցնել այրոցը: Անձեռոցիկով մաքրեք քիթը ոչ ուժեղ, քանի որ օդի ուժեղ արտամղումը կարող է բերել խոռոչային խնդիրների առաջացման:

Առանց դեղատոմսի միջոցներ՝ Քթային անցուղիների համար աղային սպրեյներ օգտագործեք հակականգային կամ հակահիստամինային միջոցներ ընդունեք (Drixoral կամ Benadryl)։

Ախտանիշ՝Քթային անցուղիների անանցանելիություն

Ի՞նչ է դա նշանակում՝ լորձը երկար է մնացել քթային խոռոչներում եւ կարող է խցանել քթային անցուղիները, քանի որ վերջիններս չեն դրենավորվում ինչպես հարկն է:

Երբ պետք է անհանգստանալ՝ եթե ձեր ջերմաստիճանը բարձր է 102 0 ըստ Ֆարենհեյթի, հնարավոր է ձեր մոտ բակտերիալ վարակ է, որը բուժվում է հակաբիոտիկներով:

Ավանդական միջոցներ՝ Խոնավացրեք քթային անցուղիները խոնավացնող միջոցներով կամ սովորական ջրով ինհալյացիաներ արեք:

Առանց դեղատոմսի  միջոցներ՝ հակականգային  սփրեյ ( Dristan или Afrin) կարող են թեթեւացնել կանգը եւ այտուցը, հաղորդում է Fox News-ը:

Ախտանիշ՝ հազը

Ինչ է դա նշանակում. Հազը, կոկորդը մաքրող ռեֆլեքս է, երբ  լորձի գերքանակությունը կամ այլ գրգռիչներ բորբոքել են շնչառական ուղիների նյարդային վերջավորությունները:

Երբ պետք է անհանգստանալ: Եթե ձեզ դժվար է շնչել, ձեր մոտ դիտվում է արյունախխում  կամ  գունատ լորձով խորխ, հնարավոր է ձեր մոտ բրոնխիտ է, սինուսիտ կամ թոքաբորբ:

Ավանդական միջոցներ. Մի խմեք հազի դեմ միջոցներ. Ապացուցված է, որ դա անարդյունավետ է: Դրա փոխարեն հանգստացրեք գրգռված կոկորդը ցանկացած::: կամ գոլ ըմպելիքներ խմեք:

Առանց դեղատոմսի միջոցներ. Պսեվդոէֆեդրինով դեղորայքը օգնում է, բայց կարող է քնկոտություն առաջացնել: Ֆենիլէֆրինով տարբերակները ոչ այդքան էֆեկտիվ են: նապրոքսենը կարող է նվազեցնել կոկորդի այրոցը:

Ախտանիշ՝ այտուցված գեղձեր

Ին՞չ է դա նշանակում.  Ձեր լիմֆատիկ հանգույցները արտադրում են վարակի դեմ պայքարի համար բջիջների մի ամբողջ բանակ:

Երբ պետք է անհագստանալ. Եթե ձեր լիմֆատիկ հանգույցները շարունակում են մեծանալ գրիպի եւ հարբուխի նշանների անցնելուց հետո, ապա դա կարող է լինել ավելի լուրջ հիվանդություն, օրինակ ՝ լիմֆոմա (հազվադեպ դեպքերում):

Ավանդական միջոցներ. Քիչ բան է հնարավոր անել գեղձերը փոքրացնելու համար: իրենք ինքնուրույն կվերադառնան իրենց բնականոն չափերի մի քանի շաբաթից:

Առանց դեղատոմսի միջոցներ.  Հնարավոր է , որ հարբուխի հետ կապված այլ ախտանիշներ ձեզ ավելի շատ անհանգստացնեն, իսկ Պարացետամոլը եւ Իբուպրոֆենը  կանցկացնեն այտուցված գեղձերի հետեւանքով առաջացած դիսկոմֆորտը: 

Ախտանիշ՝ ցավ մարմնում

Ինչ է դա նշանակում. Հաճախ գրիպի ժամանակ ցավը ամբողջ մարմնում այն բանի նշան է, որ ձեր մարմինը քիմիական նյութեր է ձերբազատում, որոնք օգնում են լեյկոցիտներին հաղթել վարակը:

Երբ պետք է անհագստանալ. Եթե միայն այդ ցավերը ձեղ անաշխատունակ են դարձնում, ինչը հազվադեպ է լինում գրիպի դեպքում:

Ավանդական  միջոցներ. Շատ հանգստանալ, տաք լոգանքներ ընդունել, մկանները հանգստացնելու համար կարելի է նաեւ փոքրիկ ջեռակներ օգտագերծել:

Առանց դեղատոմսի միջոցներ. Պարացետամոլը կամ Իբուպրոֆենը կնվազեցնեն ցավը: