Եթե մտադիր եք Ձեր փոքրիկին լույս աշխարհ բերելիս խուսափել բոլոր տեսակի միջամտություններից եւ մասնավորապես` կեսարյան հատման տարբերակից, FoxNews-ի խորհրդով կարող եք հետեւյալ 10 միջոցների օգնությանը դիմել` ծննդաբերության ցավերը մեղմելու համար.

1. Շնչառական վարժություններ

Միտքը եւ մարմինը հանգիստ պահելու եւ կծկումներին դիմակայելու լավագույն միջոցը շնչառական վարժություններն են: Բրեդլիի կամ Լամազեի մեթոդներն այս պարագայում ձեզ շատ կօգնեն:

2. Ռեբոսո

Ռեբոսոն կանացի զգեստ է, որը որովայնի տակ է դրվում եւ երկու կողմերից քաշվում` ցավը հավասարակշռելու նպատակով:

3. Հիդրոթերապիա

Ուսումնասիրությունները ցույց են տվել, որ հիդրոթերապիան կարող է նշանակալիորեն թուլացնել մկանների լարվածությունը եւ մեղմել ծննդաբերության ցավերը: 4-5 սմ բացվածքի ժամանակ լոգանքը հրաշքներ է գործում:

4. Օրինական ներկայացուցիչ/օգնական (դուլա)

Մի շարք երկրներում ծննդկանը կարող է օրինական ներկայացուցիչ ունենալ, որի խնդիրը, մասնավորապես հոգեբանական աջակցության միջոցով, հարմարավետ միջավայր ստեղծելն է: Դուլան մերսման եւ խրախուսական խոսքերի օգնությամբ ֆիզիկական եւ զգացական հարմարավետություն է ստեղծում: Նա կարող է հիվանդասենյակը Ձեզ համար ծանոթ միջավայրի վերածել:

5. Շարժվել եւ շարժվել

Այս ու այն կողմ քայլելն ու հաճախակի մարմնի դիրքը փոխելը լավ եղանակ է ոչ միայն ծննդաբերության ցավերը մեղմելու, այլ նաեւ` գործընթացը արագացնելու համար:

6. Ծննդաբեր գնդակ

Ծննդաբեր գնդակի օգնությամբ կծկումները կարող են ավելի տանելի դառնալ, քանի որ այդպես ծննդաբերության ուղին ավելի արագ է բացվում: Նույն հաջողությամբ գոտկատեղի դեպի հետ ու առաջ շարժումները կարող են օգտակար լինել:

7. Վիզուալիզացիա

Պատկեկրացրեք` անվտանգ, հանգիստ վայրում եք գտնվում կամ թե ինչպես է, յուրաքանչյուր կծկումից հետո, ձեր երեխան ծննդաբերության ուղու երկայնքով առաջ շարժվում: Այդ հարցում եւս դուլան կարող է օգտակար լինել:

8. Հիպնոս

Ինքնահիպնոսի օգնությամբ շնչառական վարժությունները եւ վիզուալիզացիոն մեթոդներն ավելի արդյունավետ կիրականացնեք: Վիճակագրությունն ասում է, որ այս միջոցի կիրառմանը դիմած ծննդկանների 70-75 տոկոսը ծննդաբերության ընթացքում ընդամենը թեթեւ ճնշում կամ մեղմ ցավ է զգացել:

9. Ասեղնաբուժություն

Ասեղի օգնությամբ մարմնի որոշ հատվածներ խթանելու դեպքում կարելի է առավել հարմարավետ միջավայր ստեղծել ծննդկանի համար: Մասնավորապես արհեստավարժ դուլաները հրաշալի տիրապետում են այդ մեթոդին:

10. Մերսում

Մերսումը հրաշալի միջոց է` լարվածությունը մեղմելու եւ կծկումներին դիմակայելու համար: