Պարբերաբար գլխացավով եւ մինգրենով տառապող մարդկանց պարագայում սննդամթերքի որոշ տեսակներ կարող են ախտանշանների սրանցման խթան ծառայել, հաղորդում է FoxNews-ը:

Խոսքը, մասնավորապես, խաղողի մասին է, որը թեեւ ցածր կալորիականությունը ունի, բայց եւ C վիտամինի ու բջջանյութի հարուստ պաշարով է աչքի ընկնում: Բացի այդ, խաղողի բաղադրության մեջ բնական ամինաթթու՝ տիրամին կարելի է գտնել, որը սովորաբար սննդամթերքի մեջ առկա սպիտակուցների քայքայման արդյունքում է ձեւավորվում: Ահա հենց տիրամինն է, որ որոշ մարդկանց մոտ արյան բարձր ճնշում գլխացավ հրահրելու հատկություն ունի:

Ստորեւ սննդամթերքի մի շարք այլ տեսակներ ենք ներկայացնում, որոնք կարող են գլխացավի խթանման պատճառ դառնալ.

• Ծխահարված միս կամ երշիկ

• Հնեցված պանիչ

• Ցիտրուսային մրգեր

• Թթու կաղամբ

• Սոյայի սոուս

• Կարմիր գինի

• Գարեջրի որոշ տեսակներ

Հետազոտությամբ պարզվել է, որ խաղողի մեջ առկա տիրամինը որոշ, մասնավորապես՝ մոնոամինօքսիդազ ինհիբիտորների խմբին պատկանող հակադեպրեսանտների վրա բացասական անդրադառնալու միտում ունի: Հիշյալ դեղամիջոցներն ընդունող հիվանդները նախապես պետք է բժշկից ցուցումներ ստանան՝ սննդակարգի վերաբերյալ: