Աշխարհում միլիոնավոր մարդիկ տառապում են անքնությունից։ Նախքան քնաբեր դեղամիջոցներին դիմելը, պետք է փորձել որոշ ստուգված շնչառական միջոցներ կիրառել, գրում է МедикФорум-ը:

Դիաֆրագմային շնչառություն

Դիֆրագմային շնչառությունը ոչ միայն հանգստանում եւ օգնում է քնել, այլ նաեւ ամրացնում է դիաֆրագման, որը կենսական կարեւոր մկան է յուրաքանչյուր շնչելիս առավելագույն արդյունքի համար: Նստեք աթոռին կամ պառկեք մեջքի վրա՝ ծնկների տակ բարձեր դնելով։ Մի ձեռքը պետք է լինի սրտի վրա, իսկ մյուսը` փորին: Խորացրեք շնչառությունը՝ խորը շնչելով քթով եւ զգալով, որ ձեր կրծքավանդակը եւ որովայնը բարձրանում ու իջնում են յուրաքանչյուր շնչելիս: Մոտ 5 րոպե դանդաղ շնչեք թեթեւ սեղմված շուրթերի միջով։

Շնչառություն 4-7-8

Հանգիստ բացեք շուրթերը եւ արտաշնչեք՝ հառաչելով: Այժմ շնչեք քթով 4 վայրկյան եւ շուրթերը փակ պահեք: Պահեք շունչը 7 վայրկյան եւ արտաշնչեք բերանով 8 վայրկյան։ Կրկնեք 4-8 անգամ։

Բուտեյկոյի մեթոդ

Բուտեյկոյի շնչառությունը օգնում է հանգստանալ եւ նորմալացնել շնչառությունը: Նստեք անկողնում եւ թեթեւ փակեք բերանը: Նորմալ շնչեք քթանցքներով մոտ 30 վայրկյան: Այնուհետեւ գիտակցաբար շնչեք քթով: Նրբորեն սեղմեք ձեր քիթը՝ բերանը փակ պահած: Շարունակեք նույն կերպ, մինչեւ անհրաժեշտ լինի շունչ քաշել: Եվս մեկ անգամ խորը շնչեք քթով այն բանից հետո, երբ շունչը թողնեք: Կրկնեք գործընթացը եւս մի քանի անգամ:

Երեք մասից բաղկացած շնչառական վարժություն

Սկսեք մի քանի անգամ երկար եւ խորը շնչելուց: Արտաշնչեք՝ կենտրոնանալով ձեր մարմնի վրա եւ այն բանի վրա, թե ինչպես եք զգում ձեզ, երբ շնչում եք: Դանդաղեցրեք ձեր արտաշնչումը ամեն անգամ: Այժմ կրկնեք այնքան ժամանակ, մինչեւ ձեր արտաշնչելը կրկնակի երկար լինի շնչելուց: