Ֆիզիկական վարժությունները, քունը եւ ճիշտ սնունդն ուղեղի առողջության հիմնաքարն են: Եթե ուղեղի տրավմատիկ վնասված (TBI) ​​չախտորոշվեն կարող են տարբեր երկարաժամկետ հետեւանքնոր ունենալ ընդհանուր ֆիզիկական առողջության, մտավոր առողջության եւ ճանաչողական կարողությունների վրա, Eat This, Not That!-ին պատմել է նյարդաբան Շայե Դատան:

Նյարդաբանը շեշտում է, որ ուղեղի տրավմատիկ վնասվածքը կարող է ֆիզիկական եւ հոգեբանական բազմաթիվ հետեւանքներ ունենալ: TBI-ները բաժանվում են երկու հիմնական լայն կատեգորիաների՝ ուղեղի մեղմ տրավմատիկ վնասվածք եւ ուղեղի միջինից մինչեւ ծանր  աստիճանի տրավմատիկ վնասվածք:

Գանգուղեղային թեթեւ տրավմատիկ վնասվածքի նշաններն ու ախտանիշները կարող են ներառել. - գլխացավ - սրտխառնոց կամ փսխում - Հոգնածություն կամ քնկոտություն - Մշուշոտ տեսողություն

- Գլխապտույտ եւ հավասարակշռության կորուստ

- Անքնություն

Որպես կանոն, այս երեւույթները անցողիկ են եւ բարելավվում են պատշաճ բուժման եւ նպատակաուղղված ֆիզիոթերապիայի դեպքում։

Գլխուղեղի միջին եւ ծանր տրավմատիկ վնասվածքը կարող է ներառել թեթեւ տրավմայի ցանկացած նշան եւ ախտանիշ, ինչպես նաեւ՝ ախտանիշներ, որոնք կարող են ի հայտ գալ գլխի վնասվածքից հետո առաջին ժամերի կամ օրերի ընթացքում:

- Մի քանի րոպեից մինչև մի քանի ժամով գիտակցության կորուստ - Մշտական ​​գլխացավ կամ գլխացավ, որն ուժեղանում է - Տեւական փսխում կամ սրտխառնոց - Ջղակծկում - Աչքի մեկ կամ երկու բիբերի լայնացում. Այս ախտանիշները սովորաբար վկայում են ուղեղի ավելի վտանգավոր կամ կառուցվածքային խնդրի մասին, ինչպիսին, օրինակ, հնարավոր արյունահոսությունն է:

Կան նաեւ այլ նշաններ, որոնք վկայում են գլխուղեղի չախտորոշված ​​վնասվածքի մասին: Հնարավոր է, որ մարդը չի կորցրել գիտակցությունը, բայց մնում է թմրածության, շփոթության կամ ապակողմնորոշման վիճակում: Կարող են լինել հիշողության կամ կենտրոնացման հետ կապված խնդիրներ:

Տրամադրության փոփոխությունները, օրինակ՝ դեպրեսիայի կամ անհանգստության զգացումը եւ անքնությունը, եւս տարածված են չախտորոշված ​​վնասվածքով հիվանդների մոտ, ովքեր նաեւ սովորականից ավելի շատ են քնում:

Ձեզ մոտ կարող են զգայական օրգանների հետ կապված խնդիրներ լինել, ինչպիսիք են մշուշոտ տեսողությունը, զնգոցը ականջներում, բերանի տհաճ համը կամ հոտառության փոփոխությունը:

Ուղեղի տրավմատիկ վնասվածքից հետո հիվանդները կարող են վերտիգո զգալ՝ վիճակ, որը բնութագրվում է գլխապտույտով: Չախտորոշված ​​վնասվածքի մտահոգիչ նշան է գրգռվածությունը, ագրեսիվությունը: Առաջարկվում է գլխի վնասվածքից անմիջապես հետո բուժզննում անցնել՝ իրավիճակը ճիշտ գնահատելու համար։