նախընտրելի դարձնել
Պարոդոնտոզը ատամնախոռոչի պաթոգեն բակտերիալ վարակի հետևանքով առաջացող բորբոքային հիվանդություն է, որն ազդում է բերանի խոռոչի և ներքին օրգանների առողջության վրա։
Բերանի խոռոչի լավ խնամքն անհրաժեշտ է կանխարգելման համար, սակայն բերանի խոռոչի հիգիենայի՝ ոչ դեղատոմսային միջոցների մեծ մասը ախտահանիչներ են, որոնք կարող են ուժեղ գրգռվածություն առաջացնել՝ դրանք պարոդոնտոզով հիվանդանալու ենթակա փոքր երեխաների և տարեցների համար դարձնելով ոչ պիտանի:
Հակաբակտերիալ միջոց գտնելու համար, որը հեշտ օգտագործվող և արդյունավետ է ցանկացած տարիքում պարոդոնտոզը կանխելու համար, Օսակայի մայրաքաղաքային համալսարանին առընթեր Մարդկային կյանքի և էկոլոգիայի բարձրագույն դպրոցի պրոֆեսոր Սիգեկի Կամիտանիի ղեկավարած հետազոտական թիմը ստուգել է յոթ տարբեր միացությունների հակաբակտերիալ ազդեցությունը:
Սև սալորաչիրի լաուրաթթուն (Proc 12) և նրա համանմանները փորձարկվել են պաթոգեն պարոդոնտալ բակտերիաների՝ Porphyromonas gingivalis-ի դեմ: Հետազոտության արդյունքները հրապարակվել են Foods հանդեսում:
Գիտնականները պարզել են, որ թեև որոշ միացություններ արգելակում են բակտերիաների աճը, Pru-C12-ը, որը կարող է ստացվել ցիտրուսային բույսերի կենսազանգվածից և կոկոսի ընկույզից ստացված բաղադրիչներից, օժտված է ամենամեծ հակամանրէային ազդեցությամբ:
«Pru-C12-ը անհամ է և հիպոալերգեն»,- ասում է պրոֆեսոր Կամիտանին: «Եթե ապագայում ապացուցվի մարդկանց համար դրա անվտանգությունը, այն կարող է էժան հակամանրէային միջոց դառնալ»,-ընդգծել է պրոֆեսորը:
