նախընտրելի դարձնել
Գիտնականների միջազգային խումբը պարզել է, որ որոշ կորոնավիրուսներ կարող են ներթափանցել մարդու բջիջներ՝ օգտագործելով մինչ այժմ անհայտ ռեցեպտորներ կամ լրացուցիչ «մուտքի կետեր»: Հետազոտությունը հրապարակվել է Nature ամսագրում։
Հետազոտությունը կենտրոնացած է եղել Արեւելյան Աֆրիկայում հայտնաբերված չղջիկի կորոնավիրուսի CcCoV-KY43 վրա: Գիտնականները պարզել են, որ դրա փշատիպ սպիտակուցը կարող է փոխազդել CEACAM6 սպիտակուցի հետ, որն առկա է մարդու թոքային հյուսվածքում։
Հետազոտողներն ուսումնասիրել են ոչ թե կենդանի վիրուսները, այլ դրանց գենետիկական տվյալները. նրանք սինթեզել են 27 տարբեր ալֆա-կորոնավիրուսների փշաձեւ սպիտակուցներ եւ ստուգել, թե որ ռեցեպտորներն են նրանք կարողանում ճանաչել։
Հեղինակների խոսքով՝ նախկինում ենթադրվում էր, որ ալֆա-կորոնավիրուսներն օգտագործում են ռեցեպտորների սահմանափակ հավաքածու բջիջները վարակելու համար: Սակայն արդյունքները ցույց են տվել, որ վիրուսները կարող են գտնել մուտքի այլընտրանքային ուղիներ:
Գիտնականները նշել են, որ սա ընդլայնում է վիրուսների զոոնոզ ներուժի՝ կենդանիներից մարդկանց փոխանցվելու ունակության մասին մեր պատկերացումները եւ ընդգծում բնության մեջ վիրուսների ավելի մանրակրկիտ մոնիթորինգի անհրաժեշտությունը։
