նախընտրելի դարձնել
Լուրջ բարդությունների ռիսկը՝ մեռելածնություն, վաղաժամ ծննդաբերություն, ցածր քաշը ծննդաբերության ժամանակ եւ նեոնատալ մահ՝ երկու անգամ ավելի բարձր է օժանդակ վերարտադրողական համակարգերի օգնությամբ ծնված երեխաների մոտ, քան բնական եղանակով ծնված երեխաների։ Այսպիսին են Ադելաիդայի Համալսարանի Ռոբինսոնի ինստիտուտի կողմից իրակացված հետազոտության արդյունքները:
Հետազոտողները 17-ամյա կտրվածքով Հարավային Ավստրալիայում ուսումնասիրել են ավելի քան 300 000 ծնունդ, որոնցից 4300 երեխա ծնվել են օժանդակ վերարտադրողանակության միջոցով, տեղեկացնում է Newsmax Health-ը։
«Ի տարբերություն բնական բեղմնավորման միջոցով ծնված երեխաների, արհեստական բեղմնավորման միջոցով ծնվածների մոտ երկու անգամ ավելի բարձր է մեռելածնության, երեք անգամ ավելի բարձր անհաս լինելու, եւ երկու անգամ ավելի բարձր է հետծննդաբերական 28 օրվա ընթացքում մահանալու հավանականությունը»,- ասում է առաջատար հետազոտող Մայքլ Դեվիսը, ում եզրակացությունները հրապարակվել են PLoS ONE ամսագրում:
«Այս արդյունքները փոփոխվում են կախված օգտագործվող բեղմնավորման մեթոդից»,- ավելացնում է նա, նշելով, որ հետազոտության ընթացքում համեմատվել են բեղմնավորման բոլոր տեսակների կողմնակի արդյուքները՝ արտամարմնային բեղմնավորում (ԱՄԲ), սպերմատոզոիդների ներցիտոպլազմատիկ բեղմնավորում (ՍՆՑԲ), ձվազատման խթանում եւ էմբրիոնի կրիոկոնսերվացիա:
