նախընտրելի դարձնել
Ապրելակերպը, սովորությունները եւ սննդակարգը որոշակի դեր են խաղում Ալցհեյմերի հիվանդության զարգացման կամ էլ, ընդհակառակը, կանխարգելման հարցում:
Հետեւյալ հարցերի պատասխանները Ձեզ կօգնեն որոշել՝ արդյոք Դուք գտնվում եք ռիսկային խմբում: Պարզապես ընտրեք ստորեւ բերված պատասխաններից որեւէ մեկը (А, В կամ С) եւ հաշվեք միավորները՝ հաշվի առնելով, որ A=0, B=1, C=2:
1. Ինչքա՞ն հաճախ եք Դուք ուտում/խմում շաքար պարունակող որեւէ բան:
А: Երբեք/շատ հազվադեպ
В: Օրը 1-2 անգամ
С: Օրը 2-3 անգամ
2. Շաբաթը քանի՞ անգամ եք Դուք ձուկ ուտում (ցանկացած)
А: Շաբաթը 3 անգամ եւ ավելի
В: Շաբաթը 1-2 անգամ
С: Երբեք կամ հազվադեպ
3.Ծխո՞ւմ եք: Եթե այո, ինչքա՞ն շատ:
А: Ոչ, չեմ ծխում
В: Այո, օրը 1-5 ծխախոտ
С: Այո, օրն ավելի քան 5 ծխախոտ
4. Օրը քանի՞ բաժակ սուրճ եք խմում (Կրկնակի էսպրեսսոն երկու բաժակ է հաշվվում):
А: Սուրճ չեմ խմում
В: Օրը 1-4 բաժակ
С: Օրը ավելի քան 5 բաժակ
5. Արդյո՞ք ձկան յուղ եք ընդունում
А: Այո, գրեթե, ամեն օր
В: Այո, շաբաթը 2-4 անգամ
С: Ոչ
6. Որքա՞ն հաճախ եք Դուք ընթերցում, խաչբառներ եւ սուդոկու լուծում, կամ էլ խաղեր խաղում
А: Շաբաթը մի քանի անգամ
В: Ամիսը մի քանի անգամ
С: Տարին մի քանի անգամ
Հիմա հաշվեք հավաքած միավորները (A=0, B=1, C=2): Որքան քիչ միավորներ եք Դուք հավաքել, այնքան քիչ է հավանականությունը, որ Ձեզ ապագայում կսպառնա Ալցհեյմերի հիվանդությունը (եթե, իհարկե, Դուք շարունակեք նույնքան առողջ եւ ճիշտ ապրելակերպ վարել, որքան հիմա):
Եթե Դուք շատ միավորներ եք հավաքել, փորձեք վերանայել սեփական ապրելակերպը, հրաժարվել քաղցր սննդից, սուրճից եւ ծխելուց: Գուցե արժե սկսել ավելի շատ կարդալ, ձուկ ուտել եւ ավելի ակտիվ ու առողջ ապրելակերպ վարել. դա կօգնի ոչ միայն Ալցհեյմերի հիվանդությունը կանխել, այլեւ շատ ուրիշ հիվանդություններ
http://cft.foodforthebrain.org/ կայքում կա թեստի ավելի ամբողջական տարբերակը, որը կօգնի գնահատել Ալցհեյմերի հիվանդության զարգացման հավանականությունը:
