Անքնության բուժումը  ցանցային ծրագրերի կամ հեռուստակոնֆերանսների միջոցով կարող է օգնել մարդկանց իրենց ավելի քիչ հոգնած զգալ օրվա ընթացքում, համաձայն կանադացի գիտնականների հետազոտության:

Հետազոտողները բացահայտել են, որ մարդկանց ավելի քան կեսից  ավելին, ովքեր հետազոտության սկզբում տառապել են քրոնիկ անքնությամբ, այս երկու մեթոդներից մեկի  միջոցով թերապիայից  հետո այլեւս ծանրություն չեն զգացել:

«Ես կարծում եմ, որ անքնության համար  ճանաչողական-վարքագծային թերապիայից (ՃՎԹ) շատ մեծ օգուտ կլինի, այն կարող է հաջողությամբ կատարվել տարբեր ֆորմատներով, ոչ միայն  առերես, այլ տարբեր տեխնոլոգիաների կիրառմամբ եւ  նույնիսկ ինքնուրույն», - ասել է հետազոտության առաջատար հեղինակ Մաքսիմ Հոլմկվիստը: Նա Վինիպեգում Մանիտոբայի համալսարանի դոցենտ է:

ԱՄՆ-ում ավելի քան մեկ քառորդ մարդ անքնությամբ է տառապում, հիվանդությունների վերահսկման եւ կանխարգելման կենտրոնի տվյալների համաձայն: Մոտավորապես տասը ամերիակցիներից մեկը տառապում է քրոնիկ անքնությամբ:

Քրոնիկ սրտային անբավարարության ախտանշանները ներառում են քնելու, վաղ առավոտյան եւ գիշերվա կեսին արթնանալու հետ կանոնավոր առաջացող խնդիրներով: Դա հանգեցնում է հոգնածության զգացողության օրվա ընթացքում:

Նոր հետազոտության համար գիտնականները հրավիրել են ՃՎԹ ստանալու կանադական գյուղական շրջանում բնակվող 73 հասուն մարդու՝ ինտերնետով կամ  իրենց տան մոտ կլինիկաներում խմբակային կոնֆերանսների միջոցով:

ՃՎԹ-ի վեց ամսվա կուրսից հետո հետազոտողները բացահայտել են, որ հեռուստաբժշկությունից հետո խմբի  55%-ը եւ ինտերնետով բուժումից հետո երկրորդ խմբի 62%-ը հարցաթերթիկում չեն հաղորդել արտահայտված քնի խանգարումների մասին:

Հետազոտության սկզբում, համաձայն հարցաթերթիկների, բոլոր մասնակիցները հաղորդել են, որ անքնություն են ունեցել: