նախընտրելի դարձնել
Գերմանացի գիտնականների վերջին հետազոտության ժամանակ շշալցված ջրում գտնվել է մոտ 25 հազար քիմիական նյութ։ Հետազոտության արդյունքները հրապարակվել են PLoS One ամսագրում, տեղեկացնում է Fox News-ը։
Հետազոտությունը բաժանվել է երկու մասի: Սկզբում գիտնականներն ուսումնասիրել են ամբողջ աշխարհի շշալցված ջրերի 18 տարբեր նմուշներ: Քիմիական անալիզների միջոցով նրանք ստուգել են ջուրը՝ պարզելու համար, արդյոք այն ազդում է օրգանիզմի անդրոգենային եւ էստրոգենային ընկալիչների վրա: Համեմատության համար ստուգվել է նաեւ սովորական ծորակի ջուրը: Հետազոտողները այլայլվել են, իմանալով, որ շշալցված ջրերի մեծ մասը ազդում է հորմոնների երկու տեսակի ընկալիչների վրա:
Հետազոտության երկրորդ մասում գիտնականները փորձել են պարզել, թե որ քիմիական նյութերն են վերարտադրողական հորմոնների փոփոխության պատճառ դարձել: Հետազոտողները շշալցված ջրերում գտել են ավելի քան 24 500 տարբեր քիմիական նյութեր, այդ թվում երկու դասի պատկանող՝ մալեատներ եւ ֆումարատներ, որոնք հայտնի են որպես հզոր հորմոնալ ակտիվ միացություններ: Մալեատներն ու ֆումարատներն օգտագործվում են ջրի պլաստիկե շշերի պատրաստման մեջ:
Հետեւեք առողջությանը: Ներդրում կատարեք բազմակի օգտագործման ջրի շշերի պատրաստման մեջ: Ձեր առողջությունն ու անվտանգությունն ապահովելու համար ապակուց կամ չժանգոտող մետաղից տարաներ ընտրեք: Շատ արտադրողներ սկսել են ռետինե ծածկույթով ապակյա շշերի արտադրությունը՝ կանխարգելելու համար կոտրումը եւ հեշտացնելու համար օգտագործումը:
