Ջեռուցման խնայողությունը ոչ միայն պահպանում է ձեր փողերը, այլեւ օգնում է նիհարել, պնդում են  հոլլանդացի գիտնականները:Մաաստրիխտի համալսարանի գիտնականները տեսություն են  մշակել, համաձայն ցրտի զգացողությունը նիհարելու առողջ եւ կայուն տարբերակ է: Եւ հակառակը, տաք տներն ու գրասենյակները նպաստում են որովայնի շրջագծի մեծացմանը:  Այս եզրակացություններին պետք է վերաբերել ամենայն լրջությամբ, քանի որ դրանք ստացվել են 10-ամյա աշխատանքների արդյունքում, գրում է Mirror-ը:

Այս պնդումը հատկապես արդարացի է երիտասարդների եւ միջին տարիքի մարդկանց վերաբերյալ, որոնք ցրտի զգացողությանն  ի պատասխան ջերմության տեսքով էներգիա են արտադրում, որը կազմում է օրգանիզմի էներգետիկ հավասարակշռության 30%-ը: Դա նշանակում է, որ  ցածր ջերմաստիճանները կարող են զգալիորեն ազդել այրված կալորիաների քանակության վրա, որոնք , որպես էներգետիկ պահեստ, պահվում են ճարպի կուտակումների տեսքով:

Ձմռան ընթացքում օդի ջերմաստիճանը, հատկապես գրասենյակներում, հասարակական վայրերում եւ հիվանդանոցներում հարաբերականորեն բարձր է: «Հենց այդ պատճառով բնակչությունը հակված է այնպիսի հիվանդությունների զարգացմանը, ինչպիսին է ճարպակալումը: Բացի դրանից, մարդիկ դառնում են խոցելի շրջակա միջավայրի ջերմաստիճանի  կտրուկ փոփոխությունների հանդեպ» ,- հայտարարել են հոլլանդացի գիտնականները: