Բրիտանացի վեց հիվանդներին պատվաստել են անլար կարդիոխթանիչ, որն իր չափորով  փոքր է ААА մարտկոցից եւ, որը հեղաշրջում է կատարել սիրտ-անոթային հիվանդությունների բուժման մեջ:

Ստանդարտ կարդիոխթանիչները, որոնք շատ քիչ են փոխվել 1958 թվականից ի վեր, կարգավորում են անոթազարկը՝ անրակի տակ տեղադրված մարտկոցի միջոցով  էլեկտրական ազդանշաններ ուղարկելով դեպի սիրտը:

Nanostim կարդիոխթանիչը, որը չունի լարեր, իր չափերով տասն անգամ փոքր է  դասական սարքից: Այն տեղադրվում է սրտի խոռոչներից մեկում, տեղեկացնում է Daily Mail-ը։

Այն ներմուծվում է ոտքի վրա կատարված կտրվածքի միջոցով  եւ ամրացվում է պտուտականման խարիսխի միջոցով սրտի ներքին պատի վրա:

Բացի այն, որ միջամտությունն ինքնին հեշտ է, բժիշկները հույս ունեն, որ  նորարարությունը կարող է վերացնել  դասական կարդիոխթանիչի տեղադրումից առաջացող բարդությունները, այդ թվում՝  վարակները եւ թրոմբները:

Nanostim-ն իմպլանտացվում է անմիջապես սրտի մեջ՝ տեղային անզգայացման ներքո կատարվող քիչ ինվազիվ միջամտության ժամանակ:

Հիվանդին ներարկում են ոչ մեծ քանակությամբ հանգստացնող եւ տեղային անզգայացնող՝ ոտքի վերին հատվածում: Կարդիոխթանիչը տեղադրվում է  ոտքի ազդրային երակի մեջ տեղադրված ճկուն խողովակի մեջ:

Ինչպես բոլոր կարդիոխթանիչները, այն սնուցվում է մարտկոցից եւ պարունակում է համակարգչային չիպ, որը վերահսկում է էլեկտրական ակտիվությունը:

Մարտկոցներն աշխատում են մինչեւ 13  տարի: «Վերջնաժամկետի ավարտին դուք կարող եք հեռացնել եւ փոխել այն կամ տեղադրել մեկ ուրիշը դրա կողքին»,- ասում է միջամտությունն իրականացրած պրոֆեսոր Ռիչարդ Շիլլինգը:

77-ամյա Մորին ՄակԿլիվը՝ երեք հիվանդներից մեկն է, ում այս ամիս Լոնդոնի Սուրբ Բարդուղիմեոս հիվանդանոցում  տեղադրել էն  այս նոր սարքը: Նա տասը տարիների ընթացքում տառապել է նախասրտերի շողացումից, եւ ինսուլտից հետո դեղեր է ընդունել սրտի ռիթմի դանդաղեցման համար: Բայց դա նշանակում է, որ ՍԿՀ կարող էր ընկնել  վտանգավոր ցուցանիշի՝ 40 զարկ/ րոպեում:

Նա իրեն բավականին առույգ է զգում եւ խորը քնում է: «Նախկինում ես գիշերն արթնանում էի ուժեղ սրտխփոցից: Դա անցավ: Ես ինձ այնքան լավ եմ զգում»: