նախընտրելի դարձնել
Մոտ ապագայում բժիշկները ի զորու կլինեն պացիենտների շագանակագեղձի բուժման այլընտրանքային միջոց՝ ուռուցքի սառեցում առաջարկել:
Շագանակագեղձի ուռուցքի դասական բուժումը ենթադրում է վիրաբուժական միջամտություն, քիմիաթերապիա կամ/եւ ճառագայթում: Բոլոր այս մեթոդները մի շարք վտանգավոր կողմեր ու անցանկալի կողմնակի էֆեկտներ ունեն: Սակայն վերջերս մասնագետները սկսել են շագանակագեղձի քաղցկեղի բուժման նոր մեթոդ կիրառել՝ կրիոթերապիա կամ կրիովիրաբուժություն:
Ավելի վաղ արդեն իսկ նման փորձեր ձեռնարկվել են, սակայն բուժման ընթացքում բժիշկները սառեցրել են ամբողջ շագանակագեղձը՝ ներառյալ առողջ մասը: Իսկ ահա նոր մեթոդը, որը հնարավոր դարձավ շնորհիվ ՄՌՏ տեխնոլոգիաների զարգացման, տղամարդու կյանքի համար վտանգավոր ուռուցքները սառույցի կտորի են վերածնում:
Ընդհանուր նարկողի տակ իրականացվող վիրահատության ժամանակ պացիենտի շագանակագեղձի մեջ ասեղներ են տեղադրվում: Հատուկ խտացրած գազն անցնում է ասեղներով եւ սառացնում շագանակագեղձը մինչեւ -40 C: Իսկ հարակից առողջ հյուսվածքների պաշտպանության համար կատետերի միջոցով նաեւ տաք աղի լուծույթ է ներարկվում: Պրոցեդուրան երկու ժամ է տեւում, եւ պացիենտների մեծ մասը նույն օրը տուն է վերադառնում:
Անցած տարի Լոնդոնի թագավորական քոլեջում այս մեթոդիկայի խոշորագույն հետազոտություն է իրականացվել, որը ցույց տվեց, որը ցույց տվեց, որ կրիոտերապիան թույլ է տալիս պացիենտների 70-90 տոկոսի դեպքում հաջողություն գրանցել: Մեթոդը էֆեկտիվ էր նաեւ հիվանդության ռեցիդիվով պացիենտների 50-60 տոկոսի դեպքում: Այս բուժման ենթարկված տղամարդկանց 71 տոկոսի մոտ էրեկտիլ դիսֆունկցիա էր նկատվել, սակայն այլ մեթոդներով բուժումից հետո այս խնդիրն ունեցող տղամարդկանց տոկոսը հիմնականում ավելի մեծ է:
