Շատ հղի կանայք սեքսի մասին չեն մտածում: Եվ շատ իզուր: Սեքսը, շատ մասնագետների կարծիքով, դրական է անդրադառնում  հղիության ընթացքի, պտղի ու մոր ինքնազգացողության, և, իհարկե, ամուսնու հետ հարաբերությունների վրա:

Ձեր ուշադրությանն ենք ներկայացնում 9 պատճառ հղիության ընթացքում սեքսով զբաղվելու համար:

1. Ծննդաբերել ու վերականգնվել հղիությունից հետո ավելի հեշտ կլինի

Օրգազմը ավելի ուժեղ է դարձնում այն մկանները, որոնք օգտագործվելու են ծննդաբերության ընթացքում: Դա նշանակում է, որ ծննդաբերությունն ու հետծննդաբերական ապաքինումը ավելի հեշտ կանցնեն:

2. Ստիպված չեք լինի հաճախ զուգարան գնալ

Շատ հղի կանայք մշտապես զուգարան են ուզում, իսկ երբեմն նրանց մոտ նաև անմիզապահություն է սկսվում: Լավ լուրն այն է, որ վերոնշայլ մկանները նաև ավելի ուժեղ կդարձնեն միզապարկն ու կօգնեն ազատվել այդ խնդրից:

3. Սեքսը կարող է մի շարք խնդիրներ կանխարգելել

Դանիացի գիտնականների հետազոտության համաձայն՝ հաճախակի սեքսը օգնում է կանխարգելել պրեէկլամպսիան, իսկ սերմնահեղուկում պարունակվող պրոտեինները ամրապնդում են իմունային համակարգը:

4. Սեքսը նվազեցնում է ճնշումը

Սեքսից հետո ճնշումը սովորաբար ընկնում է, և դա լավ է, քանի որ բարձր ճնշումը վտանգավոր է և մայրիկի և պտղի համար: Սակայն եթե հղի կինը ճնշման հետ կապված խնդիրներ ունի հույսը դնեմ միայն սեքսի վրա պետք չէ, անհրաժեշտ է խոսել բժշկի հետ:

5. Օրգազմն ավելի ուժեղ կլինի

Հղի կանայք ավելի հեշտ են օրգազմ ապրում, քանի որ նրանց նյարդային վերջավորություններն ավելի զգայուն են, պտուկներն ու ծլիկը` մեծացած:

6. Ինքնագնահատականը կբարձրանա

Հաճախակի սեքսը հղիության ընթացքում կբաձրացնի ինքնագնահատականն ու ավելի վստահ կդարձնի:

7. Սեքսն օգնում է պայքարել սթրեսի դեմ 

Օրգազմի ժամանակ օկսիտոցին հորմոնն է արտադրվում, որը օգնում է դիմակայել սթրեսին: Իսկ սթրեսը սովորաբար հղիության ուղեկիցն է՝ անհանգստություն ապագա երեխայի համար, ֆինանսական խնդիրներ և այլն:

8. Սեքսը կբարելավի հարաբերությունները զուգընկերների միջև

Հաճախակի սեքսը կմերձեցնի զուգընկերներին, ինչը ապագայում կօգնի նրանց երեխայի դաստիարակության հարցում:

9. Սեքսը կնախապատրաստի ծննդաբերությանը

Հղիության վերջին փուլերում սեքսը կարող է նախապատրաստել Ձեզ ծննդաբերությանը: Սերմնահեղուկի մեջ պարունակվող պրոստոգլադինները կփափկացնեն արգանդի վզիկն ու կարող են ոչ միայն արագացնել ծննդաբերությունը (եթե այն ուշանում է), այլ նաև այն ավելի հեշտ դարձնել: