Կանանց մոտ 9%-ը երկաթի անբավարարություն ունի, համաձայն ԱՄՆ-ի Հիվանդությունների վերահսկման եւ կանխարգելման կենտրոնների վերջին վիճակագրության։  Բայց այդ թիվը նույնիսկ ավելի բարձր է ֆիզիկապես ակտիվ կանանց համար, կարծում են փորձագետները: Ինչպե՞ս իմանալ՝ Դուք երկաթի պակաս ունե՞ք, թե՞ ոչ: Fox News-ը մի քանի անհանգստացնող նշան է բերում.

Հոգնածություն

«Օրգանիզմը երկաթն օգտագործում է հեմոգլոբին արտադրելու համար: Դա նյութ է արյան կարմիր բջիջներում, որն օրգանիզմն ապահովում է թթվածնով, - ասում է Բլեր Մորիսը՝  Վանդերբիլտի ինտեգրատիվ առողջության կենտրոնում պրակտիկայով զբաղվող բուժքույրը:- Երբ Ձեր արյան մեջ չկան բավականաչափ առողջ բջիջներ, Դուք սկսում եք հոգնածություն զգալ:

Խնդիրներ կենտրոնացման հարցում

Մորիսի խոսքով՝ երկաթի պակաս ունեցող մարդկանց նեյրոտրանսմիտերների սինթեզը կարող է փոխվել, ինչը հանգեցնում է սովորականից ավելի ցածր ֆունկցիոնալության:

Անտարբերություն

Սա նեյրոտրանսմիտերների սինթեզի փոփոխության եւս մեկ կողմնակի ազդեցությունն է:

Հեւոց

Առանց արյան մեջ բավականաչափ երկաթի մարմինը թթվածնի պակաս է ունենում:

Մաշկի անսովոր գունատություն

Գունատությունը կարող է պայմանավորված լինել արյան հոսքի թուլացումով եւ արյան մեջ կարմիր բջիջների պակասելով:

Խնդիրներ մարզումների ժամանակ

Քորնելի համլասարանի վերջերս կտարած հետազոտության համաձայն՝ արյան մեջ երկաթի ցածր մակարդակը կարող է օրգանիզմի տոկունության պակասի պատճառ դառնալ:

Դյուրաբեկ եղունգներ

Ոտքերի ու ձեռքերի բարակ, փխրուն եղունգները երկաթի հնարավոր պակասի եւս մեկ նշան են:

Վարդագույն կամ կարմիր մեզ

Երկաթի պակաս ունեցող մարդկանց դեպքում սա կարող է պայմանավորված լինել որոշ պիգմենտների բարձր աղիքային կլանումով: