Ամերիկացի հետազոտողները պատմել են մարդկային օրգանիզմի երիտասարդացման բավականին ռիսկային փորձարկման մասին: Տեղեկությունների համաձայն, BioViva ամերիկյան ընկերության աշխատակիցների մշակած տեխնոլոգիան պատմության մեջ առաջին անգամ փորձարկվել է ընկերության աշխատակցուհու վրա: Խոսքը 45-ամյա Էլիզաբեթ Փերիշի մասին է: Նա գենային թերապիայի օգնությամբ երիտասարդացել է 20 տարով:
Օրգանիզմի ծերացումը օրինաչափ հետեւանքն է նրա, որ քրոմոսոմի վերջույթային հատվածները` տելոմերները, ժամանակի ընթացքում կարճանում են: Խնդիրը լուծելու նպատակով ԱՄՆ-ից հետազոտողներն առաջարկել են տելոմերազա օգտագործել` ֆերմենտ, որը լրակառուցվում է կարճացած տելոմերների վրա: Դրա շնորհիվ օրգանիզմի ծերացող բջիջները կարող են կիսվել երիտասարդ բջիջների նման:
Նախկինում տելոմերների երկարացման ուղղությամբ թեստավորում իրականացվում էր միայն կենդանիների վրա, եւ Փերիշն աշխարհում առաջին մարդն է, որը գենային թերապիայի մի քանի կուրս է անցել: Ամբողջ պրոցեդուրան իրականացվել է Կոլումբիայում, որովհետեւ նոր միջոցը Միացյալ Նահանգների պաշտոնական ատյանների հավանությանը չի արժանացել: Թերապեւտիկ կուրսից հետո վերցված անալիզները ցույց են տվել, որ ամերիկուհու արյան մեջ լեյկոցիտները երիտասարդացել են, իսկ տելոմերների երկարությունն աճել է` համապատասխանելով 20 տարեկանի մեծությանը:
Գիտնականներն առայժմ գլոբալ եզրահանգումներ չեն անում, որովհետեւ հայտնի չէ, թե պրոցեդուրան ինչ ազդեցություն կունենա փորձարկվողի օրգանիզմի վրա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր