Կենսաբանների միջազգային խումբը բնական միացություն է հայտնաբերել, որը դանդաղեցրել է առողջ մկների ծերացումը:
Գիտնականներին հաջողվել է բջիջների էներգետիկ փոխանակությանը մասնակցող NMN նուկլեոտիդն օգտագործել կենդանիների օրգանիզմում NAD կոնֆերմենտի սինթեզման համար: Այն անհնար է անմիջականորեն կենդանիներին ներարկել:
NAD միացությունը մասնակցում է ճարպերի եւ ածխաջրերի յուրացմանը, սակայն տարիքին զուգահեռ ԴՆԹ-ի վնասման պատճառով դրա սինթեզը դանդաղում է: Մասնավորապես՝ կոնֆերմենտը խոչընդոտում է քաշի ավելացմանը, ինսուլինի հանդեպ զգայունությանը եւ նվազեցնում է ֆիզիկական ակտիվությունը:
«Մենք ցուցադրել ենք ֆիզիոլոգիական անկումը դանդաղեցնելու միջոցը, որը դիտվում է ծերացող մկների շրջանում: Դա նշանակում է, որ ծերացող մկների մոտ առկա է նյութերի եւ էներգիայի փոխանակության գրեթե նույնպիսի մակարդակ, ինչպիսին երիտասարդ կենդանիների մոտ է»,- ասել է հետազոտության համահեղինակ Սին-Իտիրո Իմաին:
Մկների վրա կատարված փորձերը ցույց են տվել, որի ջրի մեջ լուծվող NMN-ն երեք րոպեի ընթացքում արյան մեջ է ներծծվում: Մասնագետները նշել են, որ երիտասարդ մկների կողմից NMN-ի ընդունումը զգալի արդյունք չունի:
Գիտնականների կարծիքով՝ քանի որ մարդու օրգանիզմում նյութափոխանակությունը նույնկերպ է ընթանում, ինչպես մկների մոտ, ապա նոր հետազոտության եզրակացությունները արդարացի են նաեւ մարդկանց համար: Ճապոնիայում արդեն սկսել են մարդու վրա NMN-ով պատրաստուկների փորձարկումները: Գիտնականները նշում են, որ այս միացությունը պարունակվում է մի շարք սննդամթերքներում, մասնավորապես՝ բրոկոլիում, կաղամբում, վարունգում եւ ավոկադոյում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր