Բազմաթիվ մարդիկ քնելուց առաջ սոցիալական ցանցեր, էլեկտրոնային փոստ են ստուգում: Առաջին հայացքից այս անմեղ սովորույթը կարող է բացասաբար անդրադառնալ քնի որակի վրա եւ մարդուն հնարավորություն չտալ քունն առնել: Նման պնդմամբ են հանդես եկել University of California-ի գիտնականները:
Այն մասին, որ քնելուց առաջ էլեկտրոնային սարքերի օգտագործումը խանգարում է քնելուն, հայտնի էր նաեւ նախկինում: Նախորդ հետազոտությունների հեղինակները սա կապում էին պլանշետների եւ հեռախոսների էկրանների երկնագույն լույսի հետ, որն ազդում է օրգանիզմի ռիթմերի վրա:
University of California-ի գիտնականները՝ Գրեգորի Մարկուսի գլխավորությամբ, նույնպես հետազոտություն են անցկացրել, որի շրջանակում 136 կամավորներ պատմել են իրենց առողջության եւ կենսակերպի մասին, այդ թվում՝ քնի տեւողության եւ որակի: Դրանից հետո փորձի մասնակիցների սմաթֆոններում հատուկ հավելված է ներբեռնվել, որն արձանագրում է էկրանի ակտիվությունը: Բոլոր մասնակիցները նաեւ իրենց քնի մասին տվյալներ են արձանագրել:
Պարզվել է, որ որքան շատ են մարդիկ սմարթֆոն կամ պլանշետ օգտագործել, այնքան վատ են քնել: Կրիտիկական է եղել քնից առաջ ընկած ժամանակահատվածը. նրանք, ովքեր քնելուց անմիջապես առաջ սոցցանցերում են եղել կամ շփվել մեսենջերներով, մյուսներից ավելի հաճախ են տառապել անքնությունից:
Իհարկե՝ դեռ չի կարելի միանշանակ եզրահանգում անել, որ սմարթֆոնի օգտագործումը կարող է անքնություն առաջացնել, սակայն նման հնարավորությունը չի բացառվում: Մասնագետները խորհուրդ են տալիս քնելուց առաջ էլեկտրոնային սարքեր չօգտագործել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր