• Latest news▼

3 անսպասելի մթերք, որոնք օգտակար են առողջության համար

13 փետրվարի, 2022  11:38

Դիետոլոգները պատմել են որոշ անսպասելի մթերքների մասին, որոնք իրականում օգտակար են առողջության համար: Այդ մասին հաղորդում է Fox News պարբերականը:

Բատատ

Քաղցր կարտոֆիլ բատատը, գիտնականների խոսքով, շատ օգտակար է առողջության համար: Դիետոլոգ Ջարեդ Միչենը պնդում է, որ բատատը պարունակում է լուծվող եւ չլուծվող մանրաթելեր, որոնք օգնում են մաքրել ստամոքսաղիքային տրակտն ու ապահովել առողջ միկրոֆլորա: Բացի այդ, բատատը հարուստ է օգտակար ածխաջրերով, վիտամին A-ով ու C-ով, ինչպես նաեւ մարգանով:

«Հակաօքսիդանտները, որոնք պարունակվում են քաղցր կարտոֆիլում, պաշտպանում են բջիջները վնասվելուց եւ կարող են ունենալ հակաքաղցկեղային ազդեցություն, հատկապես, հաստ աղիքի բջիջներում»,-ասել է Միչեմը:

Շիիտակե

Դիետոլոգ Էրին Քենին խորհուրդ է տալիս սննդակարգում ավելացնել շիիտակե սնկերը: Նրա խոսքով՝ այդ մթերքն ամրապնդում է իմունիտետն ու նվազեցնում օրգանիզմում բորբոքային գործընթացները: Դեռ ավելին, այդ սնկերն ունեն ցածր կալորիականություն, ինչը նույնպես շատ դրական կողմ է:

Սպիրուլինա

Երկրորդ տեսակի դիաբետ ունեցող պացիենտներին Միչեմը խորհուրդ է տալիս փորձել սպիրուլինա՝ կանաչակապտավուն ջրիմուռ, որն անվանում են նաեւ սուպերֆուդ կամ ապագայի ուտելիք: Մասնագետի խոսքով՝ այդ մթերքը պարունակում է բազմաթիվ օգտակար նյութեր՝ 18 ամինաթթուներ, ֆիտոնուտրիենտներ, պղինձ, երկաթ, մարգան, կալիում եւ B խմբի վիտամիններ: Սպիրուլինան նաեւ հարուստ է սպիտակուցներով ու օգնում է կարգավորել արյան մեջ շաքարի մակարդակը:

Մասնագետներն օգտակար բանջարեղենի ցանկում նաեւ ներառել են գազարը, կանաչ ոլոռը, բրյուսելյան կաղամբը, բազուկը, քիմչին, սխտորն ու բրոկոլին:

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

  • Այս թեմայով
 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել