Ինչպես հայտնի է, ձմռանը շատ հիվանդություններ, որոնց թվում են նաեւ մաշկային հիվանդությունները, սրվում են: Ինչպե՞ս է հնարավոր խուսափել այդ սրացումներից: Այս մասին լրագրողներին մաշկա-վեներաբան Կարեն Վարդանյանն է պատմել:
Ջերմաստիճանային կտրուկ տարբերություն
Ջերմաստիճանային կտրուկ տարբերությունը սթրես է օրգանիզմի համար եւ կարող է իր դերը խաղալ մաշկային հիվանդությունների սրման մեջ: Այդ իսկ պատճառով, մաշկաբանը առաջին հերթին խորհուրդ է տալիս խուսափել ջերմաստիճանային կտրուկ փոփոխություններից. տաք տնից չարժե միանգամից դուրս գալ, եթե դրսում շատ ցուրտ է; որոշ ժամանակ միջանցքում մնացեք, թույլ տվեք, որ մաշկը ադապտացվի ջերմաստիճանի փոփոխությանը:
Հագուստ
Ոանի որ գրեթե բոլոր մաշկաբանական խնդիրների սրացումները սովորաբար պայմանավորված են ցածր ջերմաստիճանի ազդեցությամբ, մաշկաբանը խորհուրդ է տալիս ձմռանը տաք հագնվել եւ մարմնի բոլոր մասերը պաշտպանել ցրտից:
Ցրտահարություններ
Ցրտահարությունները ձմռանը նույնպես բավական հաճախ են հանդիպում: Դրանցից պաշտպանվելու համար պետք է մի շատ տրամաբանական բան անել՝ ինչպես վերեւում էր նշվել՝ մարմնի բաց մասերը հնարավորինս պաշտպանել ցրտից՝ տաք հագուստի օգնությամբ:
Վիրուսներ
Ձմռանը հաճախ սրվում են նաեւ վիրուսների (օրինակ, հերպեսի) պատճառով առաջացող հիվանդությունները: Բակտերիաների եւ սնկերի պատճառներով առաջացող խնդիրները նույնպես սրվում են: Դրանցից խուսափելու համար ցանկալի է հետեւել առողջությանը, սննդակարգին եւ թույլ չտալ, որ իմունային համակարգը շատ թուլանա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր