Չպլանավորված բաներ միշտ են պատահում, նույնիսկ վիրահատությունների ժամանակ: Օրինակ՝ երբեմն վիրաբույժներին հաջողվում է իրենց հիվանդների մարմիններում տարբեր գործիքներ մոռանալ: Ամեն տարի ԱՄՆ-ում նմանատիպ մոտ 1500 դեպք է գրանցվում: Առավել հաճախ «մոռանում» են երկարատեւ վիրահատությունների ժամանակ արնահոսությունը վերահսկելու համար օգտագործվող հատուկ սպունգները: Բայց երբեմն ավելի տարօրինակ առարկաներ են մոռանում:
Ձեր ուշադրությանն ենք ներկայացնում հիվանդների մարմիններում մոռացած 7 վիրաբուժական գործիք.
1. Բժշկական ձեռնոց
Բրիտանական Royal Derby Hospital կլինիկայում հիստերէկտոմիա (արգանդի հեռացում) կատարող վիրաբույժը հաջողացրել է հիվանդի որովայնում մոռանալ ձեռնոցը: Վիրահատությունից հետո կնոջ որովայնի շրջանում ցավեր են սկսվել, սակայն բժիշկները, մտածելով, որ նրա մոտ վարակ է, հիվանդին հակաբիոտիկներ են նշանակել: Իսկ երեք օր անց զուգարան գնալուց հետո կինն միջից դուրս է քաշել լատեքսի ձեռնոցը: Դժվար է պատկերացնել, թե ինչ կարող էր լինել, եթե ձեռնոցը կնոջ մարմնում ավելի երկար մնար:
2. 18 սանտիմետրանոց ունելի
42-ամյա Դոննա Բաուետի մարմնում լեղապարկի հեռացման նվազ ինվազիվ վիրահատությունից հետո 18 սանտիմետրանոց ունելի է մնացել: Գործիքը հայտնաբերվոել է 3 ամիս անց միայն, իսկ այդպիսի սարսափելի սխալ թույլ տված Worcestershire Acute Hospital կլինիկան տուժած հիվանդին վեցնապատիկի չափով գումար է վճարել:
3. Երկու սրբիչ
Վետերանների Louis Stokes Cleveland VA Medical Center կլինիկայում Նոր Ֆիլադելֆիայից 47-ամյա Ռոբերտ Սաների երիկամից ուռուցք են հեռացրել: Բժշկը կարողացել է նրա մարմնում երկու սրբիչ թողնել, որոնք հայտնաբերվել են միայն մի քանի ամիս անց: Դաշնային կառավարությունը նրան 275 000 դոլար է վճարել:
4. Վիրաբուժական սպունգ
Ստանդարտ հիստերէկտոմիայից հետո 56-ամյա Կարոլ Կրիտչֆիլդի ինքնազգացողությունն առավոտյան վատթարացել է, եւ նրան անհանգստացրել են որովայնի շրջանի ուժեղ ցավերը: Սակայն բժիշկներն ուշադրություն չեն դարձրել հիվանդի բողոքներին եւ ասել են, որ ամեն ինչ շուտով կանցնի: Մեկ տարի անց կինը շտապօգնություն է կանչել ինքնազգացողության կտրուկ վատթարացումից հետո, սակայն շտապօգնության բժիշկներն ասել են, որ նա աղեստամոքսային տրակտի խնդիր ունի եւ պետք է հրաժարվի կծու ուտելիքից:
Միայն 4 տարի անց ձվարանների հեռացման վիրահատության ժամանակ վիրաբույժը հիվանդ կնոջ որովայնում հայտնաբերել է աղիներին միաձուլված հին վիրաբուժական սպունգը, ուստի սպունգի հետ միասին ստիպված են եղել հեռացնել նաեւ բարակ աղիքի մի հատվածը:
5. Մետաղյա խողովակ
Չեխիայի Հանրապետությունում հիվանդ կնոջ որովայնում նախորդ վիրահատությունից մնացած մեկ ոտնաչափ երկարության մետաղյա խողովակ են հայտնաբերել: Պատմության մանրամասնությունները չեն հրապարակվում, սական կլինիկայի ղեկավարությունը հայտարարել է, որ բժիշկները պատժվել են իրենց անփութության համար:
6. Մկրատ
Ղազախստանում 53-ամյա Կարպ Պոնոմարեւի մարմնում վերջերս մկրատ են հայտնաբերել: Պարզվել է՝ այն մնացել է 12 տարի առաջ կատարված վիրահատությունից: Դրա մեջ մեղավոր վիրաբույժը մի քանի տարի առաջ թոշակի է անցել, իսկ դրանից հետո էլ շուտով մահացել է, ուստի այդ դեպքում էլ ոչ մեկին հնարավոր չի եղել պատժել: Հիմա մկրատը հեռացնելու համար հիվանդին եւս մեկ վիրահատություն է անհրաժեշտ: Իսկ կլինիկային դատի տալ հիվանդը չի պատրաստվում:
7. 16 վիրաբուժական գործիք
Շագանակագեղձի քաղցկեղի ուռուցքի հեռացման վիրահատության ժամանակ բժիշկները հաջողացրել են 74-ամյա գերմանացի Դիրկ Շրեդերի մարմնում ոչ թե մեկ, այլ միանգամից 16 գործիք թողնել, ինչի հետեւանքով տղամարդը մահացել է: «Մոռացված» գործիքների թվում էին ասեղ, բինտի փաթեթ, թրջոցներ եւ վիրաբուժական դիմակի մի մաս: Տղամարդու ընտանիքը կլինիկային, որի անունը չի հրապարակվում, դատի է տվել, Կլինիկայի ներկայացուցիչները պդնում են, որ բոլոր այդ առարկաները հայտնվել են տղամարդու մարմնում ոչ թե վիրահատության ժամանակ, այլ դրանից հետո: Բայց բացատրել, թե հիվանդը ինչպես կարող էր այդ ամենը «կուլ տալ», հավանաբար, նրանք չեն կարողացել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր