Ուշագրավ դեպք է տեղի ունեցել ԱՄՆ-ի Հյուսիսային Կառոլինայի նահանգում. իր հղիությունից անտեղյակ կինը մտել է բաղնիք եւ լոգարանում արու զավակ է լույս աշխարհ բերել: Ամերիկյան լրատվամիջոցների հաղորդմամբ՝ կնոջ համար երեխայի ծնունդը շատ անսպասելի է եղել, քանի որ նա նույնիսկ չի կասկածել , որ հղի է: Ծննդաբերության օրը կինն իրեն վատ է զգացել, մտել է բաղնիք եւ հենց լոգարանում ծննդաբերել է. խիզախ կինն ինքնուրույն կտրել է երեխայի պորտալարը, փաթաթել է սրբիչով, հետո նոր իմաց տվել իր զուգընկերոջը, որն այդ ընթացքում քնած է եղել:
«Երբ ես արթնացա, երեխան նրա ձեռքերում էր»,- պատմել է նորածնի հայրը, որն, ի դեպ, կասկածել է, որ իր զուգընկերուհին հղի է, սակայն վստահ է եղել, որ հղիության սկզբնական շաբաթներն են: Երեխան ծնվել է 3 կգ քաշով, եւ այժմ գտնվում է բժիշկների հսկողության ներքո: Հաղորդվում է, որ նրա կյանքին վտանգ չի սպառնում:
Հավելենք, որ նման դեպքեր վերջին շրջանում հաճախ են պատահում: Երեկ NEWS.am Medicine-ն անդրադարձել էր ամերիկացի մի կնոջ, որն իր հղիության մասին իմացել էր 35-րդ շաբաթում: Ավելի վաղ ներկայացրել էինք բրիտանացի Ջեյսիկայի պատմությունը. նա եւս ծննդաբերել էր լոգարանում: Ոչ պակաս հետաքրքիր էր ամերիկացի Շելբիի պատմությունը. իր հղիությունից անտեղյակ կինը որովայնի ցավերով դիմել էր բժշկի եւ մի քանի ժամ անց երկվորյակ լույս աշխարհ բերել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր