Մեծ Բրիտանիայում ավելորդ մատներ եւ սրտի մեջ անցք ունեցող երեխա է ծնվել

7 ամսական Ջեյկոբ Դաֆին անգլիական Լիդսից ոտքերի եւ ձեռքերի վրա երկու ավելորդ մատ ունի: Նա նաեւ սրտի մեջ անցք ունի եւ առողջական մի շարք այլ խնդիրներ, որոնց պատճառը բժիշկներին պարզ չէ:

Հատկանշական է, որ հղիության ընթացքում բժիշկները պնդում էին, որ երեխան բացարձակ առողջ է: Սակայն Ջեյկոբի ծնվելուց հետո նրա մայրն ու հայրը շոկ ապրեցին՝ տեսնելով, որ ամեն վերջույթի վրա տղան ավելորդ մատներ ունի: Բացի այդ՝ Ջեյկոբի բութ մատները ավելորդ հոդեր ունեն: Չնայած նրան, որ ավելորդ մատներից շատերը ֆունկցիոնալ առումով անաշխատունակ են, բժիշկները չեն կարող դրանք հեռացնել մինչեւ երեխայի մեկ տարեկանը, քանի որ մինչ այդ չեն կարող ցավազրկել նրան:

Ջեյկոբը նաեւ տեսողական խնդիրներ ունի, ինչպես նաեւ կուլ տալու հետ կապված խնդիրներ եւ կաթնամթերքի նկատմամբ ալերգիա:

Բժշկների խոսքով՝ գոյությունի ունի ինչ-որ մեկ միասնական հիվանդություն, որը միավորում է երեխայի բոլոր խնդիրները, սակայն բացահայտել այն առայժմ չի հաջողվում: Բժիշկները կարծում են, որ սրտի անցքը կանցնի ինքն իրենով, երբ երեխան մեկ տարեկան դառնա: Իսկ ահա տեսողական բազմաթիվ խնդիրներն իրենք իրենցով չեն անցնի, սակայն առայժմ դժվար է ստույգ ասել, ինչքանով են լուրջ երեխայի տեսողական խնդիրները եւ ինչ է պետք անել դրանց հետ: 

Հետևեք NEWS.am Medicine-ին Facebook-ում և Twitter-ում