Միգրենը քայքայիչ ազդեցություն է թողնում ուղեղի վրա, պարզել են Կոպենհագենի համալսարանի գիտնականները՝ գլխացավերի ու գլխուղեղում կատարվող փոփոխությունների փոխադարձ կապն ուսումնասիրելու միջոցով:
Որքան հաճախ է մարդը գլխացավեր ունենում, այդքան մեծ է ուղեղի ախտահարման եւ սպիտակ նյութի անոմալիաների զարգացման վտանգը: Կանոնավոր ցավերն առաջացնում են անդառնալի պրոցեսներ, ինչը մեծ սպառնալիք է պարունակում առողջության համար:
Ինչպես նշում են փորձագետները, այն մարդիկ որոնք հաճախ են աուրայով գլխացավեր ունենում, ավելի վտանգված են՝ ուղեղում հնարավոր փոփոխությունների տեսակետից: Նման հիվանդների համար ռիսկը 68 տոկոսով ավելի մեծ է, քան միգրենից տառապող մարդկանց մյուս խմբերի համար:
Սովորական միգրենի համար ռիսկի մակարդակը 34 տոկոս է: Նշում են, որ սովորական միգրեն ունեցողների համեմատ՝ առաջին խմբին պատկանող մարդկանց համար գլխուղեղում անդառնալի փոփոխությունների սպառնալիքը 44 տոկոսով շատ է:
Ըստ վիճակագրության՝ միգրենից տառապում է ամբողջ աշխարհի բնակչության մոտավորապես 10-15 տոկոսը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր