Անառողջ սննդակարգը, որը մեծ քանակությամբ հագեցած ճարպեր կամ էլ քիչ կիսաչհագեցած ճարպեր է պարունակում անչափահաս տարիքում կանանց մոտ կրծքի քաղցկեղի է հանգեցնում: Անչափահաս տարիքում կրծքի բարձր պտությունն իր հերթին կապված է կրծքի քաղցկեղի զարգացման բարձր ռիսկի հետ: Այդ մասին հայտնում են University of Maryland School of Medicine-ի գիտնականները:
Նրանց խոսքով, անչափահաս տարիքում սխալ սննդի հետեւանքով կրծքի հյուսվածքները կառուցվածքային փոփոխությունների են ենթարկվում, որոնց հետեւանքները հետագայում են ի հայտ գալիս:
Գիտնականները վերլուծել են հետազոտության տվյալները, որը սկսվել է 1988-ին: 8-ից 10 տարեկան 663 երեխայի մոտ, որոնց թվում 301 աղջիկ կար, հետեւում էին սննդակարգին: Երբ աղջիկները 25-29 տարեկան էին դարձել, գիտնականները նրանցից 177-ի մագնիսառեզոնանսային հետազոտություն էին կատարել, որը կարող է ցույց տալ կրծքի հյուսվածքների բարձր խտությունը: Նրանք, ովքեր շատ բուրգերներ եւ ֆասթֆուդ էին կերել, իրոք ավելի ամուր կուրծք ունեին, քան նրանք, որոնք ավելի առողջ կենսակերպի էին հետեւել:
Գիտնականները եւս մեկ անգամ ընդգծել են անչափահաս տարիքում առողջ սննդակարգի հետեւելու անհրաժեշտությունը, չէ որ դա նվազեցնում է ապագայում առողջության համար երկարաժամկետ բացասական հետեւանքների ի հայտ գալը:
Գիտնականները սակայն չեն բացառում, որ սխալ սննդակարգից բացի, անչափահասների մոտ կրծքագեղձի քաղցկեղի կարող են հանգեցնել նաեւ այլ գործոններ:
Հետազոտությունը հրապարակվել է Cancer Epidemiology, Biomarkers & Prevention ամսագրում:
Հետևեք NEWS.am Medicine-ին Facebook-ում և Twitter-ում