Ֆիզիկական վարժությունները հիվանդ պարանոցի բուժման լավագույն միջոցը չեն, սակայն կանադացի գիտնականների հետազոտությունը ցույց է տվել, որ որոշ վարժություններ կարող են օգտակար լինել պարանոցի որոշ խնդիրների դեպքում՝ ցավի սրությունից կախված:
Նրանք ուսումնասիրել են 10 հետազոտությունների տվյալները, որոնք հրապարակվել են 2008 թվականից, հայտնում է Fox News-ը:
«Եթե պարանոցը ցավում է, կարեւոր չէ՝ այն երբ է սկսել ցավել՝ երկու օր, թե երկու շաբաթ առաջ, լավագույն բանը, որ հնարավոր է անել, զգույշ շարժումներ անելն է՝ փորձելով ձգել մկանները»,- ասում է հետազոտության հեղինակը՝ Օնտարիոյի համալսարանի համաճարակաբան Պյեր Կոտեն:
Երկու հետազոտությունները ցույց են տվել, որ ցիգունը՝ ֆիզիկական եւ շնչառական վարժությունների չինական համալիրը, թեթեւացրել է պարանոցի սուբֆեբրիլ ցավը:
Մեկ այլ հետազոտություն ցույց է տվել, որ Այենգար-յոգան, որը դասական յոգայի դիրքեր է ներառում, արդյունավետ է պարանոցի թույլ ցավերի դեպքում:
Հետևեք NEWS.am Medicine-ին Facebook-ում և Twitter-ում