Դանդաղ ուտելու հասարակ սովորությունը կօգնի հիհարել, հետեւաբար մարդկանց մեջ այս սովությունը հարկ է ներարկել վաղ մանկությունից: Այս մասին է Journal of Clinical Endocrinology and Metabolism-ում հրապարակված հոդվածը:
Սնունդի արագ խժռումը, շատ գիտնականների կարծիքով, հանգեցնում է գերհագեցման. մարդը չի հասկանում, որ կշտացել է եւ ավելի շատ է ուտում, քան պետք է: Եվ հակառակը՝ եթե մարդը դանդաղ է ուտում, արագ է հասկանում, որ արդեն կուշտ է, եւ արդյունքում ավելի քիչ է ուտում:
Տղամարդկանց մասնակցությամբ կատարված փորձը հաստատել է այս միտքը. կամավորներին առաջարկել են օրվա տարբեր ժամերին ուտել 300 գրամ պաղպաղակ: Այդ ընթացքում նրանցից վերցվել է արյուն՝ «քաղցի հորմոնի»՝ գրելինի անալիզի համար, նաեւ այն հորմոնների, որոնք կապված են հագեցածության զգացման հետ (YY պեպտիդ եւ GLP-1 գլյուկագոն-պեպտիդ):
Հաստատվել է, որ այն մարդիկ, ովքեր պաղպաղակը կերել են 30 րոպեի ընթացքում հանգիստ, հավասար բաժիններով, օրգանիզմի հորմոնալ պատասխանը «համարժեք» է եղել: Մասնավորապես՝ նրանց «քաղցի հորմոնի» պարունակությունը քիչ է եղել, հակառակը՝ շատ է եղել «կուշտ լինելու հորմոնի» պարունակությունը:
Նրանք, ովքեր միանգամից են կերել, օրգանիզմում առաջացել է «հորմոնալ անկայունություն»: Այդպիսի անհավասարակշռությունը նպաստել է, որ փորձի մասնակիցները հասկանան, որ շատ ավելի են կերել կշտանալու համար:
Հետևեք NEWS.am Medicine-ին Facebook-ում և Twitter-ում