Ճապոնիան պատրաստ է աջակցել Ռուսաստանում բժշկական ծառայությունների որակի բարելավմանը՝ ռուսաստանյան հիվանդանոցներում ճապոնական բժիշկներին աշխատանքի դասավորելու ու հիվանդներին ճապոնական սննդակարգ նշանակելու միջոցով։
Ճապոնական լրատվամիջոցների տվյալներով, ճապոնական Յամագութի նահանգում ՌԴ- Ճապոնիա դեկտեմբերյան գագաթնաժողովի նախօրեին Տոկիոն պատրաստ է առաջարկել երկու երկրների տնտեսական համագործակցության բազմակողմանի զարգացման ծրագիր։
«Ճապոնիան ռուսական կողմին կխնդրի, որ ճապոնացի բժիշկները կարողանան բժշկական պրակտիկայով զբաղվել Ռուսաստանի հիվանդանոցներում ու հիվանդանոցային սննդակարգում ճապոնական սնունդ ներառել»,- հայտնում է Նիքքեյը։
Ավելի վաղ հայտնել էին, որ ճապոնական ընկերությունների JGC խումբը արդեն Ռուսաստանին խնդրել է դիտարկել երկու երկրների բժշկական ստնդարտների համաձայնեցումը՝ Հեռավոր Արեւելքում մի շարք նախագծերի իրականացման՝ այդ թվում բուժկենտրոնի շինարարության համար։ JGC-ն հույսն ունի, որ ճապոնացի բժիշկները կկարողանան աշխատել այդ կենտրոնում, բայց Ռուսաստանի ու Ճապոնիայի բժշկական ստանդարտները տարբեր են ու այդ հարցը պետք է կարգավորել։
Հետևեք NEWS.am Medicine-ին Facebook-ում և Twitter-ում