2015 թվականին ԱՄՆ–ում կտրուկ աճել է արգելված ցավազրկողներից մահվան դեպքերը։ Այս մասին հայտնում են Հիվանդությունների կանխարգելման եւ վերահսկման կենտրոնից։
«Ցավազրկողների պատճառով մահերի համաճարակը շարունակում է վատթարանալ։ Ավելի մեծ տագնապի տեղիք է տալիս նշանակված ցավազրկողների չարաշահումը, հերոինի օգտագործումը, ֆենտանիլի վաճառքը»,– ասել է կենտրոնի ղեկավար Թոմ Ֆրիդենը։
Սինթետիկ ցավազրկողների գերդոզավորման քանակը 2015 թվականին 73 տոկոսով աճել է։ Նման դեղերից մահացությունների դեպքերն աճել են 4 տոկոսով։ Հերոինի գերդոզավորումից մահվան դեպքերը հասել են մոտ 13 հազարի, ինչը 23 տոկոսով ավելի շատ է, քան մեկ տարի առաջ։
«Համաճարակը շարունակում է տարածվել, քանի որ հսկայական քանակությամբ մարդիկ մինչեւ հիմա կախվածությունից արդյունավետ բուժում չեն ստանում»,– ասում է թմրանյութերի վերահսկման վարչության տնօրեն Մայքլ Բոտիչելին։
Ընդհանուր առմամբ 33 հազար ամերիկացի է անցյալ տարի մահացել ցավազրկողների գերդոզավորման հետեւանքով։ Որոշ դեպքերում մահը վրա է հասել դեղերի եւ թմրանյութերի համատեղության պատճառով։
Հետևեք NEWS.am Medicine-ին Facebook-ում և Twitter-ում