Գերմանական Քյոլն քաղաքի բնակչուհու ոտքերն ու ձախ նախաբազուկը մոծակի խայթոցից հետո անդամահատել են, հաղորդում է Koelner Express-ը:
Մարտին 43-ամյա կինը տնից դուրս է եկել՝ աղբը թափելու, այդ ժամանակ էլ մոծակը խայթել է նրան: Կնոջ խոսքով՝ նախ ուռուցք է առաջացել, հետո հոդացավեր ու գլխապտույտ է ունեցել: Շտապ օգնության մեքենայով նրան հիվանդանոց են հասցրել, սակայն հետազոտությունից հետո բժիշկները կնոջը տուն են ուղարկել:
Կնոջ վիճակը շարունակել է վատանալ, եւ ամուսինը նրան նորից հիվանդանոց է տարել: Այնտեղ նա մեկ շաբաթ կոմայի մեջ է եղել, վերջույթները սկսել են սեւանալ: Բժիշկները ստիպված են եղել անդամահատել հիվանդի ոտքերն ու նախաբազուկը:
Մասնագետները ենթադրում են, որ մոծակը կարող էր խայթելիս վարակ փոխանցել, ինչն էլ հանգեցրել է արյան վարակի:
Հետևեք NEWS.am Medicine-ին Facebook-ում և Twitter-ում