Դեղամիջոցների վերահսկողության FDA ամերիկյան գերատեսչությունը թույլատրել է սուր լիմֆոբլաստային լեյկեմիայի (ALL) բուժման համար Pfizer ընկերության մշակած դեղամիջոցը, որը կոչվում է բեսպոնսա (inotuzumab ozogamicin)։
Ընդ որում դեղամիջոցն ունի boxed warning՝ FDA-ի ամենախիստ նախազգուշացումը լուրջ կողմնակի էֆեկտների հավանականության մասին, մասնավորապես, լյարդի լուրջ վնասման հավանականության եւ ցողունային բջիջների փոխպատվաստման որոշ տեսակների ենթարկված հիվանդների համար նաեւ մահացության հավանականության ավելացման մասին։
Բեսպոնսա իրենից ներկայացնում է մոնոկլոնալ հակամարմնի կոնյուգատ՝ դեղամիջոցի հետ միասին։ Դեղամիջոցը ԵՄ-ում գործածման համար թույլտվություն է ստացել որպես մոնոթերապիա՝ կրկնվող CD22-դրական B-բջջային սուր լիմֆոբլաստային լեյկեմիայով մեծահասակ հիվանդների բուժման համար։
Հայտնում են, որ տվյալ դեղամիջոցով թերապիայի արժեքը կկազմի մոտ 168․300 դոլար, բայց հնարավոր են որոշ տատանումներ՝ ըստ բուժման տեւողության։
Հետևեք NEWS.am Medicine-ին Facebook-ում և Twitter-ում