Հակաբեղմնավորիչ դեղորայքը կանոնավոր կերպով ընդունելը կանանց շրջանում նվազեցնում է ռեւմատոիդ արթրիտի հավանականությունը։ Այս մասին պարզել են շվեդ գիտնականները՝ ուսումնասիրելով կանանց առողջության վրա հակաբեղմնավորիչների ազդեցությունը։
Ստոկհոլմում Կարոլինայի համալսարանի հետազոտողները պարզել են, որ դա կարող է կապված լինել պրոգեստերոն հորմոնի հետ, որը կա դեղահաբերում։
Daily Mail-ը հաղորդում է, որ գիտնականներն ուսումնասիրել են շուրջ 7 հազար շվեդ կանանց տվյալներ եւ եզրակացրել, որ հակաբեղմնավորիչներ ընդունելը կարող է ազդել ռեւմատոիդ արթրիտի զարգացման վրա։
Ըստ վիճակագրության՝ կանանց շրջանում, որոնք 7 տարի շարունակ մշտական հիմունքներով հակաբեղմանվորիչներ են ընդունել, արթրիտի հավանականությունը 19 տոկսով քիչ է։ Հավանաբար, նման ազդեցութոյւն է ունեցել պրոգեստերոն սեռական հորմոնը, որն առկա է հակաբեղմնավորիչ դեղահաբերում։ Այն ունի նաեւ երկարատեւ հակաբորբոքային ազդեցություն։
Հետևեք NEWS.am Medicine-ին Facebook-ում և Twitter-ում