D վիտամինի դեֆիցիտ ունեցող կանանց մոտ ցրված սկլերոզի վտանգը 43%-ով մեծանում է: Այս մասին հայտնել են Harvard T.H. Chan School of Public Health-ի գիտնականները: Նրանց հետազոտության արդյունքները հրապարակվել են Neurology ամսագրում:
Ցրված սկլերոզն աուտոիմունային հիվանդություն է, որը խոցում է գլխուղեղի եւ ողնուղեղի նյարդային մանրաթելերը: Հիվանդությունը սովորաբար բացահայտվում է 20-40 տարեկանում: Մինչ արտահայտված ախտանշանների ի հայտ գալը բավական դժվար է հայտնաբերել այն: Չի բացառվում, որ գիտնականների եզրակացությունը կօգնի օրգանիզմում D վիտամինի մակարդակի հիման վրա նոր թեստ մշակել՝ ցրված սկլերոզի վտանգը գնահատելու համար:
Մասնագետների խոսքով՝ ցրված սկլերոզի վտանգը նվազեցնելու համար հարկավոր է օրգանիզմում D վիտամինի կենտրոնացումը նորմայի սահմաններում պահել:
Նշենք, որ վերջերս Քալիֆորնիական համալսարանի գիտնականները կապ էին հայտնաբերել ցրված սկլերոզի եւ աղիների միկրոֆլորայի միջեւ:
Հետևեք NEWS.am Medicine-ին Facebook-ում և Twitter-ում