Մարդկային ուղեղի հզորությունն իր բարձրակետին է հասնում 24 տարեկանում, իսկ դրանից հետո աստիճանաբար անկում է ապրում՝ ճանաչողական գործունեության տեսանկյունից, ցույց է տվել նոր կանադական հետազոտությունը, որի արդյունքները հրապարակված են PLOS ONE ամսագրում:
Վանկուվերի Սայմոն Ֆրեյզեր համալսարանի աշխատակիցները վերլուծել են 16-44 տարեկան 3305 ֆիզիկական անձանց թվային տեսագրությունները, որոնք խաղացել են StarCraft 2 համակարգչային ռազմական տեսախաղը: Խաղի մասին նրանց հաշվետվություններն իրենցից ներկայացրել են մարտավարական ճանաչողական քայլերի հազարավոր ժամեր՝ իրական ժամանակի ռեժիմով, որակավորման տարբեր մակարդակներում, հաղորդում է Newsmax Health-ը:
Ամենաբարդ ստատիկ մոդելավորումն օգտագործելով հետազոտողները պարզել են, թե խաղացողներն ինչպես են արձագանքել իրենց հակառակորդներին եւ որքան ժամանակ է դրա համար պահանջվել:
Համալսարանի հոգեբանության դոկտորանտ Ջո Թոմփսոնը, ով օգնում էր վերլուծություն կատարել, հայտարարել է, որ արդյունքները ցույց են տվել 24 տարեկանում բարձրակետից հետո ուղեղի արտադրողականության հստակ անկում:
Սակայն, 24-ից հետո էլ ամեն ինչ դեռ վերջացած չէ: Ամփոփումը ցույց է տվել, որ ավելի բարձր տարիք ունեցող խաղացողները ավելի հմտորեն են օգտվել արագ մուտքի ստեղներից եւ բարդ գործողությունների ստեղներից, որպեսզի լրացնեն իրական ժամանակում որոշումների ընդունման արագության անկումը, ասվում է հետազոտության մասին Medical Xpress-ի զեկույցում:
«Ավելի բարձր տարիք ունեցող խաղացողները՝ չնայած ավելի դանդաղ խաղին, ավելի լավ էին օգտագործում խաղի հնարավորությունները»,- ասել է Թոմփսոնը:
Հետևեք NEWS.am Medicine-ին Facebook-ում և Twitter-ում