2018 թվականին Առողջապահության նախարարությունը իր ձեռքում կկենտրոնացնի դեղերի գնումը։ Այս մասին հոկտեմբերի 18-ին՝ ԱԺ–ում առողջապահության եւ սոցիալական հարցերի հանձնաժողովում 2018-ի պետբյուջեի քննարկման ժամանակ, ասել է ՀՀ առողջապահության փոխնախարար Սամվել Մարգարյանը։
Նա նշեց, որ հիմա յուրաքանչյուր պոլիկլինիկա դեղերն ինքն է գնում։ Բայց դրանցից մի քանիսին, հատկապես մարզերում, տարեկան 700-800 հազար դրամի դեղ է պետք։
Համապատասխանաբար դեղերի մատակարարները չեն դիտարկում նրանց որպես շահավետ գնորդների, այնքան էլ չեն գնահատում նրանց եւ պակաս շահավետ պայմաններ են առաջարկում։ Այդ պատճառով դեղերը կգնի եւ կբաշխի Առողջապահության նախարարությունը։
Հետևեք NEWS.am Medicine-ին Facebook-ում և Twitter-ում