Եթե սուրճը եռացրած ջրով եփեք, ըմպելիքն ամենից համեղ եւ օգտակար չի ստացվի, պնդում են Թոմաս Ջեֆերսոնի համալսարանի մասնագետները: Նրանք խորհուրդ են տալիս գործածել, այսպես կոչված, եփելու սառը մեթոդը:
Նրանց խոսքով՝ սենյակային ջերմաստիճանում սուրճը եփելու դեպքում այն պատրաստ կլինի շատ ժամեր կամ նույնիսկ ամբողջ օրեր անց, սակայն արդյունքը դրան արժի:
Scientific Reports ամսագրում հրապարակված հետազոտության ընթացքում մասնագետները համեմատել են ըմպելիքի պատրաստման սառը եղանակը առավել ավանդական եղանակների հետ: Փորձի շրջանակում 4 տեսակի սուրճ է օգտագործվել: Պարզվել է, որ սուրճը սենյակային ջերմաստիճանի պայմաններում եփելու դեպքում հատիկներից ավելի շատ կոֆեին եւ քլորագենաթթու (հզոր հակաօքսիդանտ) կարտադրվի:
Սառը մեթոդով եփելու դեպքում կոֆեինի խտությունը գործնականում կախված չէ սուրճի աղալու չափից: Սակայն ամենամեծ խտությունը դիտվել է միջին աստիճանի բովված սուրճի հատիկների օգտագործման դեպքում: Եփելու նկատմամբ մոտեցումը չի անդրադարձել ըմպելիքի թթվայնության վրա:
Գիտնականները հիշեցնում են, որ սուրճի չափավոր պգտագործումը նվազեցնում է դեմենցիայի, կաթվածի, սրտային անբավարարության, ցիրոզի հավանականությունը: Կարծիք կա, որ սուրճը նաեւ նպաստում է քաշի անկմանը, մեծացնումը ֆերտիլությունը: Սակայն սուրճի չարաշահումը սպառնում է միզասեռական համակարգի բորբոքմամբ եւ այլ շեղումներով:
Հետևեք NEWS.am Medicine-ին Facebook-ում և Twitter-ում